Ebbi, Gunnella og Lovísa Margrét

Komin Heim.

2009-07-03T21:40:00.005+02:00

Ahhh nú erum við komin heim eftir MIKLA ferð.
Þegar ég segi mikla þá meina ég að við náðum að troða 6 mánaða prógrammi inn í 2 vikur!

Þetta var alveg yndislegt, en það er leiðinlegt að fá bara smá sýnishorn af fólki, og það af okkur, vegna þess að tíminn er svo naumur:(
En þetta er bara svona og það vissum við fyrir. En við vonuðum auðvitað að 2 vikur yrðu alveg nóg.

Það var samt svakalega gott að geta komið og allir svona rosalega hjálpfúsir og elskulegir.
Við fengum til að mynda lánað þetta flotta húsnæði af Agga og Boggu og svo bílinn hjá Gunnellu og Hadda og eins bílinn hjá mömmu og pabba. Þetta hjálpaði auðvitað alveg svakalega mikið og hefðum við aldrei náð öllu sem við gerðum ef ekki væri fyrir þau.
Okkar dýpstu þakkir fyrir það kæra fólk.

Við áttum góðar stundir með góðu fólki og gestrisnin var gríðaleg.

Smá upptalning til að lífga upp á minnið:

Brúðubíllinn
17 júní í RVK
Út að borða með vinum á Pósthúsinu
Sund
Póker með drengjunum
Grill með nýjustu ættingjunum (og eldri)
Hittingur með vinum og smá tjútt í bænum
Legið í pottinum
Kíkt í kaffi til (og með) vinkvenna og karla

og svo samveru stundirnar með nánustu ættingjum sem gáfu okkur Góóóðan mat og gott fjör.

Seinni vikan okkar var samt mögnuð. Við flökkuðum landshorna á milli og byrjuðum að fara á þriðjudeginum til Siglufjarðar. Þar voru Alma amma, Ægir, Pía og Siggi heimsótt, já og ekki má gleyma Frakki, en það er hundurinn hennar ömmu sem Lovísa var ekki alveg að gúddera fyrst en varð svo alveg ástfangin eftir einn dag, sem sýnir hvað er mikilvægt fyrir börn að fá að umgangast dýr.
Við stoppuðum ekki lengi þar frekar en annarsstaðar, gistum tvær nætur en þetta er langt ferðalag svo einungis varð 1 dagur til að gera e-ð. En það er æðislegt að koma á þessar slóðir og lifa smá nostalgíu.

Á miðvikudeginum hringdi svo Dóra sem er unnusta Hólmars tengdapabba og vildi endilega fá okkur til Egilstaða þar sem ekki var líklegt að við myndum hittast í þessari ferð. Við vorum að sjálfsögðu mikið meira en til í það og flug var bara bókað med det samme og við flugum eftir hádegi á föstudeginum.
Þegar við lentum var þessi svaka veisla í startholunum og kannski má segja að ostar og skinkusalat með heimabökuðu brauði hafi þjófstartað smá;) En tilefnið var fertugs afmæli Dóru. Um kvöldið var svo fullt af fólki komið saman til að eta, drekka og vera glatt. Yndislegt alveg.
En því miður þá var ekki hægt að stoppa lengi og fórum við á Laugardagskvöldinu í flug aftur, áttum samt afskaplega notalegan dag og eftirmiðdegi í sólinni fyrir austan.

Svo á sunnudeginum fórum við til Hveragerðis til að hitta ömmu Laugu og afa Egil, sem eru föður amma og afi Gunnellu. ÞAð var nú enn ein veislan á borðum vöfflur með öllu og svaka terta. Það var gott að geta hitt þau aðeins en það var auðvitað allt of stutt. Svo má líka nefna það að fyrir utan að hitta þau þá var það bezta við þessa ferð kjötsúpan sem hún Lauga mín matreiddi kvöldið áður, Mmmmmmmmm.... ekkert Ísland án kjötsúpu ; )

En það má nú alveg segja frá því að hún Lovísa okkar var alveg ótrúlega dugleg á öllu þessu ferðalagi. Það var ekki einu sinni sem hún kvartaði eða vældu útaf stressinu í okkur og þá er alveg sama hvort um er að ræða millilanda eða innanlandsflug, bílferðir eða göngutúrar. Hún sönglaði og blaðraði sig bara í gegnum þetta allt saman :D

En við getum bara ekki þakkað nóg fyrir okkur og ef ég er að gleyma einhverju eða einhverjum þá biðst ég afsökunar fyrirfram, en eins og ég sagði þá var þetta svakaleg dagskrá og engum tíma eytt. Það má segja að við höfum fjárfest tímanum vel í gleðibankanum... engin körfu- kúlu eða annarskonar rugl hjá okkur;)

Við Elskum ykkur öll!
Ebbi, Gunnella og Lovísa Margrét

Ísland!

2009-06-14T09:47:00.002+02:00

Við erum að koooomaaa...

Okkur er nú alldeilis farið að hlakka til að hitta ykkur, svo ekki sé meira sagt:)

Við lendum kl 14 að staðartíma (ÍS) á þriðjudaginn, 16 júní n.k. (bara svo þetta sé á hreinu). Svo verðum við í 2 vikur, fljúgum heim að morgni þess 30sta.

Auðvitað langar okkur að hitta alla og helst oftar en einu sinni, en það verður nú eins og alltaf e-ð sem kemur uppá. Þessvegna viljum við endilega að þið hringið bara þegar ykkur langar, þið væruð ekkert að ónáða, og við getum þá annaðhvort hist þá eða bara hagrætt dagskrám;)
Tíminn er bara svo fljótur að líða í svona ferðum að maður er bara allt í eina á heimleið og búinn að missa af hittingi með hinum eða þessum, sem er jú frekar fúlt.

Annars vildi ég að ég gæti sett inn e-r myndir eða myndskeið til að sýna ykkur það nýjasta en myndavéliner e-ð að stríða okkur eftir að það eina brjótanlega á "óbrjótanlegu" myndavélinni brotnaði:(
Það gerðist þannig að lokan af batteríshólfinu var opin og ég að skipta um batterí, þegar myndavélin datt og lokan smallaðist af hjörunum:(
svona er þetta bara.

jæja hlökkum til að sjá ykkur sem flest, þangað til næst:
kossar og knús
Ebbi

Nei, þú hér?

2009-06-06T11:50:00.002+02:00

Hæ þú sem ennþá lest þetta blogg okkar og vertu velkominn.

Það hefur svo sem ekki margt gerst undanfarið en ég skal reyna að segja frá því helsta hér og nú.

Ég hef haldið vinnunni og ekkert lát virðist vera á verkefnum eins og er. Þó þorir maður varla að segja það nema að enda setninguna á 7, 9 og 13. Við erum þó bara 3 eftir í vinnunni þannig að e-ð hefur það nú minnkað samt.

Ég missti móðurömmu mína þann 19 maí, en hún var orðin bæði gömul og veik.
Ég fór heim 25 til að vera við jarðarförina og kom svo heim 28. Stutt stopp það og ekki mikið verið að fara í heimsóknir þannig, nema hjá nánustu fjölskyldu auðvitað.

Við erum svo á leiðinni til Íslands þann 16. þessa mánaðar og verðum í heilar 2 vikur, svo nú er bara að vera í bandi og við mælum okkur mót. Fyrsta helgin er frátekin en annars er allt svo til opið.
Okkur hlakkar svo rosalega til að geta verið með Lovísu yfir sumartímann, bara í sumafríi en ekki í öllu jólastressinu.
Vonum að við hittum sem flesta, til þess er leikurinn jú gerður :D

Annars var nú ferðalag á okkur í gær. Danir héldu uppá þjóðhátíðardag sinn og allt var þessvegna lokað. Veðrið var ekkert spes svo ekki var hægt að sóla sig á ströndinni og ekkert sérstakt um að vera svona yfir höfuð.
Við ákváðum þessvegna, bara í gærmorgunn að skella okkur yfir eyrarsundið og til Malmö.
Fórum uppúr hádegi og eyddum deginum bara á kaffihúsum og verslunum, mjög góður dagur bara. Lovísa sofnaði reyndar ekki fyrr en kl 5 og vaknaði svo klukkutíma síðar, svoldið seint en það var orðin mikil þörf fyrir þeim lúr, svo ég segi nú ekki meira;)
Við borðuðum svo kvöldmat og lögðum af stað heim, södd og sæl með nokkra búðarpoka undir hendinni að sjálfsögðu.
Lovísa var svo hin hressasta í lestinni heim og var svo ekki sofnuð fyrr en kl 22:30... agalegir foreldrar :(
Hún var samt vöknuð kl 7 og vildi bara fara í íþróttaskólann, sem byrjar ekki fyrr en kl 10!

Slæmu fréttirnar eru þær að myndavélin okkar er í volli, reynum að redda því sem fyrst, þ.e. þegar peningarnir leyfa það.

Heyrumst svo vonandi sem fyrst og vonum að við sjáum ykkur öll í sumarfríinu.

Lov jú gæs
Ebbi

Frægi vinur minn(?)

2009-03-20T12:23:00.003+01:00

Hann Fannar vinur minn er mikill og góður tónlistamaður. Ég man eftir honum fyrst úr partýum þar sem hann sat oftar en ekki með kassagítarinn og spilaði Incubus lög eða hvað sem hver um bað, og gerði það vel. Hann er með þessa náðargáfu að geta spilað á allt og hefur tóneyra sem er jafn skarpt og dúkahnífur.
Hann hefur samt alltaf verið meira rokkari en e-ð annað fyrir mér.

Hann býr núna í Barcelona þar sem hann hefur kynnst öðrum svona snillingi nema hvað að hann er svona "rafrænn" tónlistarmaður, hann gæti tildæmis ekki spilað unplugged (HAHAHA, smá brandari sem ég varð að luma inn)
Það kom mér því svolítið á óvart þegar hann sagði mér að þeir félagar væru farnir að gera tónlist saman.
En ætla þetta sé ekki eins og þegar kokkar taka hráefni til prufu og blanda saman súkkulaði og lambakjöti og úkoma virkar ekki bara heldur slær í gegn!

Fannar(IS) og Cristiano(IT) skipa nú hljómsveitina Plastik Joy og hef ég heyrt plötuna þeirra 3:03 og líkar mjög vel, Fannar kallaði þetta Acoustic Elektro (annars held ég að tónlistarmenn í dag vita ekkert hvernig á að skilgreina tónlist því það er búið að fara með skilgreiningarnar út um allt).

Ég vísa áhugasömum á síðuna þeirra og vona svo að þið njótið! (hönnunsíðunnar er listaverk út af fyrir sig svo ég mæli með að fólk leiki sér aðeins með músina, hint,hint)

þeir eru líka með myspace

Fannar er ekki bara afbragðs tónlistamaður, hann er líka myndarmenni sem leggur mikið upp úr hreinlæti og góðri tannhirðu

Ég vissi að það væri hættulegt að ég væri að verða 27 ára!!

2009-03-18T10:18:00.006+01:00

Andlega hrörnunin byrjar við 27 ára aldur....

http://mbl.is/mm/folk/frettir/2009/03/17/andlega_hrornunin_byrjar_vid_27_ara_aldur/?ref=fpverold

Gott er þá vel gengur.

2009-03-17T17:26:00.007+01:00

...Nú er gólfið þurrt ;)

Ég ætla auðvitað að byrja á að segja að Lovísa hefur það mjög gott eftir vel lukkaða aðgerð á þriðjudaginn seinasta. Það sem átti að vera c.a 3 dagar urðu svo bara einn.
Lovísa fór með Gunnellu á þriðjudaginn kl 9 og hún átti að fasta fram að aðgerð og fara í blóðprufu og þess háttar undirbúning, nema hvað að aðgerðinni frestaði alltaf og enn fastaði Lovísa (Gunnella auðvitað líka þar sem það er ekki alveg málið að borða fyrir framan fastandi barn!) Þær voru þessvegna ekki alveg í essinu sínu þegar hjúkkurnar sögðu alltaf seinna,seinna.
En svo loks kl 14:30 þá var komið að því, Lovísa var svæfð og aðgerðin framkvæmd. Þetta gekk svo vel og Lovísa var orðin nógu hress eftir vöknunina kl 17:30 (hún borðaði á spítalanum) að við vorum bara komin heim fyrir kvöldmat, ekki slæmt það!
Hún var svo heima það sem eftir var vikunnar og á að vera á súklalyfjum í mánuð og þá er skoðun uppá spítala til að athuga hvort allt sé ekki eins og það á að vera.
Svo nú vonum við bara að þetta ævintýri sé bara búið og þetta hrjái hana ekki framar.

Lovísa hress uppá spítala

En að baki er afar góð helgi, Katrín og Fannar voru í köben og því var skellt í eitt stykki matarboð með íslensku innflytjendunum vinum okkar. Dagurinn byrjaði snemma fyrir okkur strákana en við settumst niður yfir öl og bolta... ölinn var góður;)
Eftir leikinn þá söðluðum við fjórmenningarnir fákana og versluðum það sem vantaði fyrir kvöldið. Ég ætlaði að elda kjúkling í karrýsósu from scratch eins og sagt er og það þýðir að allar nýlenduverslanir á Istegade voru kembdar í leit að kóríander fræum, turmiac, sinnepsfræum, karrýblöðum og fenugreek fræum, þetta tók 2 daga að finna (grínlaust!) og það síðast nefnda fannst ekki fyrr en við félagar skiptum liði og leituðum í hverri einustu búð á þessum slóðum!
Eftir ánægjulega og afkastamikla búðarferð/hjólatúr komum við heim og fengum okkur kaffi og ég hófst handa við þessa matreiðslutilraun:)
Þetta hófst svo á endanum og var árangurinn hreint afbragð, þó ég segi sjálfur frá, smá hnökrar í að tvöfalda uppskriftina þar sem Jamie Oliver er svo léttur á því að segja 1-2 vínglös af vatni, hvað er það. En allaveganna stórgott og ekki skemmdi fyrir Malteasers/vanilluís/kaffi eftirrétturinn sem F+K töfruðu fram.
Svo var spilað, sungið og kjaftað það sem af var nóttinni, yndislegt alveg :)

Takk fyrir kæru vinir.
Ebbi "Oliver" að smakka til
Girnilegt Mmmm...JÁ!
Fleiri myndir má svo sjá hér

Skúra skrúbba og bóna

2009-02-18T13:31:00.003+01:00

Hvað er sniðugra en að setjast niður og blogga á meðan maður er að bíða eftir að gólfið þorni??

En jæja og já það er víst komið að því að ég segi ykkur eitt og annað um okkur.

Byrjum á Ebba(hann er auðveldastur) Hann er bara á fullu að vinna. Bæði í sinni föstu vinnu og svo fékk hann smá aukaverk sem hann fer í eftir vinnu. Þannig að Ebbi=vinna

Lovísa er bara að blómstra, hún stækkar og stækkar. Er farin að tala fullt bæði á íslensku og dönsku. Er algjör dundari, finnst fátt skemmtilegra en að leika við dúkkurnar, elda matinn, lita, púsla og lesa. hún semsagt leikur sér endalaust og er aldrei dauður púnktur hjá henni.( já og svo verður að ganga frá, hún er sko með það á hreinu;)Hún talar allan daginn og ef hún er ekki að tala þá er hún að syngja og ef hún kann ekki textan þá er bara búinn til nýr. Hvað get ég sagt ykkur meir hún er bara dásamleg í alla staði.
Rosalega dugleg að taka lyfin sín og já þegar ég vaknaði í morgun þá var hún búin að leggja á(dóta)borð, búa um rúmmið sitt og sagði "mamma það er komin dagur, Þú ert búin að lúlla lengi. Er ekki komin matur"
hehehe já algjör snúlla.

Ég er í viku fríi núna frá skólanum.
Svo byrja ég aftur á mánudaginn og þá verður svaka törn til páska. Hlakka bara til þess;)
Mér gengur rosalega vel og fæ ég alveg að heyra það frá kennurum og samnemendum, veit samt ekki alveg hvað það er sem ég geri sem er svo frábært!! En það er bara gott á meðan það er híhí
Ég veit að þið viljið örugglega heyra meira frá því hvað ég er að gera í skólanum en það er bara svo erfitt að útskýra og enn erfiðara að skrifa það niður.
En ég er alltaf til í að taka langt spjall við ykkur og þá getið þið fengið mína skólagöngu í smáatriðum;)
Jæja gólfið er orðið þurrt og ég er það eina í öllu húsinu sem lyktar illa svo ég ætla að drífa mig í sturtu og fara svo að sækja Lovísu á vuggustuenn.
Ef þið hafið einhverjar spurningar þá bara um að gera að spyrja í comment.

Elska ykkur
knús

Við erum komin heim!

2009-02-10T17:29:00.002+01:00

...reyndar svoldið síðan sko :)

Lovísa fékk seinustu sprautuna á spítalanum s.l miðvikudag og er núna- og þar til hún fer í aðgerðina 10. mars, á lyfjum sem hún fær morgun og kvölds.
Aðgerðin sem hún fer í er fyrst og fremst speglun og svo þessi húðvefjasprauta sem á að loka öðrum nýrnaleggnum þ.e ef speglunin styður fyrri rannsóknir.

Annars erum við bara hress.
Ég er kominn í aðeins stöðugara vinnuumhverfi þar sem tvö verkefni, annað frekar stórt, duttu inn hjá okkur.
Einnig nældi ég mér í eitt aukaverkefni sem kemur sér vel um þessar mundir :)

Jæja ég skrifa ekki meira í þetta sinn, fannst nú bara frekar asnalegt að síðan opnaðist alltaf á spítalasögum. Vonandi fáum við ekki mikið meira af þeim!

Bestu kveðjur
Ebbi

Spitalamatur venst bara ansi fljott...

2009-02-02T16:15:00.002+01:00

...NOT!

Æjj her erum vid enn, Lovisa a ad fa syklalyf i æd thar til sykingin er aaaaalveg horfin.
Lovisa for i blodprufu i morgun sem sagdi okkur ad lyfid virkar en thad er enn snefill af sykingunni til stadar. Thad thidir ad hun verdur minnst fram a midvikudag i medhøndlun og svo eftir thad fær hun fyrirbyggjandi medal, sem hun tekur bara heima, thangad til hun a ad fara i rannsoknir/adgerd thann... og eg er ekki ad grinast :( 10 mars!!!
Svoldid langt thangad til finnst okkur svo ekki se meira sagt!

En svona er thetta bara, allt tekur sinn tima - Lovisa er ju ekki su eina sem tharf i adgerd.
Vid gerum bara okkar besta med ad vera tholinmod og sterk. Timinn er ju fljotur ad lida (thegar madur er ekki innan veggja spitalans) og fyrr en varir verdur thetta allt yfirstadid.

Fleira er svo ekki ad fretta af okkur, nema kannski buningathemad i skolanum hja Gunnellu en thad er "Fyrir strids tiska"...en leyfum henni bara ad segja fra thvi.
Verst bara ad hun getur ekki tekid fullan thatt i thessu og eg missi ur vinnu:(

Ef einhver thekkir til styrkja vegna thessa her i københavn ma sa hinn sami lata vita, thetta kemur ad sjalfsogdu nidur a efnahag heimilisins:(

Annars erum vid voda hress ;) elskum ykkur!

Dagur 4.

2009-01-29T19:43:00.003+01:00

Jæja ætla ad byrja ad segja ykkur fra tvi ad vid erum komin med Lovisu uppa spitala aftur! Sem sagt i 3. skipti :(
Hun er enn og aftur komin med tvagfærasykingu/i nyrad og verdum vid her allaveganna i nott. Erum ad vonast til ad tetta verdi til tess ad rannsokn/vefjasprautunar adgerd verdi flytt!!!
En ja ef tid hafid einhverjar spurningar hvad tad vardar ta bara ad hringja eda senda mail;)

Ta er tad dagurinn i dag: Eg ætla ad blogga um hann nu og svo setur Ebbi myndir inn a eftir...Ok

Jæja eins og myndirnar koma til med ad syna ta var eg ansi "Ber" i dag. Ykkur a kannski ekki eftir ad finnast tetta svo hrædilegt en eg segi tad satt ad eg var ad farast ur spjehrædslu i dag. Mer fannst mun erfidara ad vera med beran maga og brjostin ut um allt en ad vera ogedslega hallærisleg. Eg er alltaf i einhverju vidu um magann og oftast med klut um halsinn. Mer leid svolitid eins og eg væri algjorlega berskjoldud.
Mer leid meira ad segja illa innan um bekkjafelaga mina sem hafa sed mig i hinum ymsu buningum sem eru mun verri en tessi. Munurinn var bara sa ad ta var eg i karakter.

En jæja tad verdur vist ekkert ur 5. deginum minum tar sem eg verd her uppa spitala med Lovisu.

LOVE og goda helgi...KNUS Guddan

Dagur 3.

2009-01-29T10:27:00.002+01:00

Já er ekki sagt að dagur 3 og vika 3 og svo framvegis sé það erfiðasta?

Ég vaknaði allt of seint. Ég ákvað því bara að taka unglinginn á þetta.
Henti mér í bleika peysu úr joggingefni við nátt buxurnar mínar. Fór í stígvél með smá hælum og setti náttbuxurnar ofaní. Skellti svo framan í mig massa af meiki og augnskugga fyrir allan peninginn. Svo var það bara maskari og svartur blíantur um augun. Hárið í tagl og vola.. Ég var alveg eins og 14. ára

Því miður náði ég ekki að taka mynd af mér áður en ég fór út og þegar ég kom heim var ég svo sveitt og ógeðsleg að ég dreif mig í sturtu! Mundi svo eftir á að ég hefði gleymt að taka mynd. SORRY!!
Vona að þið náið að nota ýmindunar aflið og sjá þetta fyrir ykkur.

Mér fannst þetta alls ekki erfitt, held að það að ég fór ekki með Lovísu á vuggustofuna hafi haft smá áhrif. Það var einginn að pæla í mér sem móðir og það fanst mér vera léttir. Mér fannst smá skrítið þegar ég leit niður á mig og sá náttbuxurnar, þá fannst mér eins og ég hefði gleymt einhverju.
En ég held að ég sé bara smá að venjast þessu, þannig í dag ætla ég að fara aðeins lengra yfir mínar grensur. Segi frá því í kvöld og lofa mynd :)

Love, guddan

Dagur 2

2009-01-27T18:46:00.004+01:00

O men... ég veit ekki alveg hvað ég á að segja.
Mér leið svo illa í þessum fötum í dag að ég meikaði varla að horfa framan í heiminn. Mér fannst ég þurfa að útskýra fyrir öllum að þetta væri sko ekki minn háttur á að klæða mig eða mála! Að ég væri bara að gera þetta út af þessu verkefni og jari jari jara. Ég var gjörsamlega aumkunnarverð. Afhverju er mér ekki sama þó ég gangi um ógeðslega hallærisleg og afhverju heldur maður að allir séu að pæla í því hvernig maður lítur út? Er það ekki bara afþví að ég geri það sjálf? Er ég ekki bara að saka fólk um að vera jafn hégómafullt og ég sjálf er, án þess þó að vita nokkuð um það??
Æ ég vona bara að ég muni eftir þessum degi lengi lengi svo ég geti lært að vera betri manneskja.

vona að þið reynið það líka!! Annars finnst mér þið frábær ;)

Love, Guddan

Film/teaterskolen Holberg

2009-01-26T20:58:00.005+01:00

Langar að deila með ykkur þessari viku í skólanum mínum.
Alla vikuna eigum við að koma klædd þeim fötum sem við myndum aldrei klæðast venjulega. Tilgangurinn er að fá okkur til að vera meira "open minded" sjá okkur og annað fólk í öðru ljósi. Hætta að vera svona þröngsýn og fórdómafull. Einnig eigum við að finna hvernig fötin hafa áhrif á okkur, bæði í hreifingu og fasi.

dagur 1.

Í dag ákvað ég að mæta sem skoppari (sjá mynd)
Ég fattaði strax í morgun að ég var með fordóma fyrir fullorðnu fólki sem klæðir sig svona, því mér leið ansi kjánalega að fara með barnið mitt í leikskólann. Ég var mikið að pæla í því hvað fólki myndi finnast um mig. Ég tók einnig eftir því að ég átti möguleika í annan markhóp karlmanna ;) hhehe
Í skólanum átti ég erfitt með að finna mér stellingu til að sitja í en leið samt vel. Bara afslöppuð og svöl. Ég fór svo í búð eftir vinnu og fann ég þá líka fyrir því að ég mætti öðru viðmóti. Það var kannski ekki litið á mig sem glæpamann en það var eitthvað öðruvísi.

Þegar fór að líða að kveldi var mér bara farið að líða nokkuð vel og get ég vel hugsað mér að gera þetta aftur.
En á morgun er nýr dagur með nýju átfitti: ) hlakka til að sýna ykkur það

love, guddan

Myndir

2009-01-18T21:06:00.002+01:00

Kæru vinir og vandamenn.
Gleðilegt nýtt ár og takk fyrir góðar stundir á því liðna.

Vonandi verðum við duglegri að blogga um okkur og okkar líf hérna í köben árið 2009.

En í kvöld er ég ekki í stuði og ætla því að láta þetta nægja.
En áður en ég hætti ætla ég að láta ykkur vita að það eru komnar inn nýjar myndir á myndasíðu 2. Góða skemmtun
Love Gunnella

Ísland er landið...

2008-12-19T11:07:00.002+01:00

Nú erum við lent á þessari "farsældar" frón.
Flugið var fínt, smá seinkun en ekkert alvarlegt. Afi Biggi tók á móti okkur við flugganginn því hann var að vinna á flugstöðinni, svo tóku amma Anna, amma Gunnella og afi Haddi á móti okkur frammi. Við fórum svo heim til ömmu Lúllu (nú hugsa ábyggilega einhverjir lesendur, hvað er málið með allar ömmurnar?) Heima hjá ömmu Lúllu hittum við svo frænkur og frænda í hundraðavís, svona sirka.
Það er æðislegt að vera komin heim.

Margrét frænka, sem er 8 mánuðum eldri en Lovísa, var líka í heimsókn í gær og það var svo gaman að sjá þær leika saman. Þær hlógu svo innilega og það var ekkert sem gat stöðvað þær!

Framundan eru góðir tímar, í kvöld t.d er ég að fara til RVK í matarboð/veislu/partý með vinum mínum og það er búið að lofa goðsagnarkenndri stemmningu, hvorki meira né minna!
Dagskráin er annars svona temmilega þétt. Það eru að sjálfsögðu jóladagarnir sjálfir en annars er öll kvöld fyrir utan lau 27 des opin, svo endilega verið í sambandi.

Ég fer seinna í dag að redda íslensku númerunum en mitt var 893-EBBI (3224) við munum ekki hvað Gunnella var með, setjum inn numerin seinna í dag.

Sjáum vonandi sem flesta
Bestu kveðjur og óskir um Gleði og Friðar Jól
Ebbi

Komin heim

2008-12-07T18:00:00.001+01:00

já við erum komin af spítalanum
Blogg á morgun

Solarhringur

2008-12-04T17:18:00.002+01:00

Ja nu eru lidnir 24 timar sidan eg og Lovisa forum til læknis til ad skila inn thvagprufu.
thar sem i prufunni fundust syklar og hun var med 40 stiga hita tha sendu thau okkur upp a spitalann i frekari rannsoknir (thau skoffudu bara leigubil og svo var brunad uppeftir).

Hun er buin ad taka 2 thvagprufur (fyrir utan thessa a læknavagtinni) og 1 blodprufu og ur theim gatu their sed ad hun er med ansi mikla thvagfærasykingu. hun er komin a syklalyf sem hun fær beint i æd og thad fær hun i gegnum fotinn thar sem læknirinn fann ekki æd til ad stinga i a thessum buttudu høndum ;)
Hun er audvitad rosalega hraust og jakvæd og sem dæi tha var hun bara hress med ad vera komin i "sokk" sem eru umbudirnar um ædalegginn, en henni fannst mjøg skritid ad vera bara i einum ;)

i dag for hun svo i myndatoku fyrir nyrun og blødru og thurfti hun ad vera kyrr i 20 min, hun hafdi fengid e-d "afslappandi" og klaradi thessa stund an vandræda. Su sem tok myndirnar a lika hros skilid fyrir sina vinnu, hun var svo ljuf en fagleg a sama tima ad Lovisa vard bara mjøg hrifin af henni. Eftir thetta slappadi hun lika VEL af, thær vyldu nu bara meina ad hun væri pinu full!

Mædgurnar verda svo her aftur i nott tvi Lovisa tharf ad fa lyfin thrisvar a dag og thad tekur thvi ekki ad fara heim, allaveganna ekki i kvøld. Eg fer ad vinna a morgun, einai dagurinn i vikunni sem eg legg mitt af morkum i samfelaginu.

Eg læt svo inn fleiri frettir og kannski myndir a morgun.

takk fyrir allar godu kvedjurnar, vid elskum ykkur
kv. Ebbi

Fjórði dagur...

2008-12-03T08:52:00.003+01:00

...nei við erum ekki að tala um sköpun sólar, mána og stjarna, heldur er Lovísa Margrét enn veik. Hún er með 38 stiga hita og kvartar þegar hún þarf að pissa svo við höldum að hún sé með þvagfarasýkingu:(

En stelpan er hress og það er nú bara ekki annað en hægt að gleðjast þegar maður sér svona sýningar:

þetta tók ég upp í morgun kl 8 :)

nýjar myndir

2008-12-02T14:26:00.002+01:00

...komnar á myndasíðu #2

er líka að setja inn myndbönd

Annars er heilsan að skána hér á bæ þó svo að Lovísa ældi aftur síðdegis í gær. Nú held ég að þetta sé bara hiti sem eftir er, vona ég :)
hún er voðalega lítil í sér og lystarlaus ennþá en við sjáum bara til hvernig dagurinn fer.

lítið á myndasíðuna og hafið gaman af
kv
Ebbi

Blöhh

2008-12-01T09:06:00.002+01:00

Þetta er nú meira ástandið hér á þessu heimili, Við fengum öll 3 gubbupest á lau.
Það byrjaði á því að Lovísa var mjög slöpp um kvöldmataleytið á laugardaginn og vildi ekkert borða (við vorum í mat hjá Dabba og Röggu, vinum okkar héðan af sólbakkanum), Gunnella var e-ð pínu óglatt en át samt en ég hafði það fínt. Um kl 21 var Gunnella alveg að drepast í maganum svo við fórum heim. Gunnella fór bara snemma að sofa en vaknaði svo og þá var það byrjað!
Lovísa var með 40 stiga hita þarna um nóttina og skalf öll, við sváfum ekki mikið þá nótt.
Um hálf níu næsta morgun hoppa ég á fætur og inn á klósett til að... já, það var Gullfoss og Geysir allan gærdag!
Lovísa gubbaði einu sinni í gær en var mjög slöpp og kvartaði yfir maganum allan daginn og alla nótt, greyið.
Í morgun vöknuðum við á mjög hressandi máta, Lovísa ældi yfir allt! mömmu sína þar með talda, hárið á Gunnellu hefur aldrei glansað jafn mikið ;)

Við kúrum nú hér feðginin og glápum á skrípó og held ég að lillan sé að hressast. Gunnella fór í skólann, hún hafði ekkert val þar sem þetta er seinasta vikan fyrir jólafrí og þau í miðju spunaverkefni.

góða heilsu!

Mánudagskvöld á Sólbakkanum

2008-11-24T19:28:00.001+01:00

Nýjir tímar

2008-11-09T18:49:00.002+01:00

Jæja nú sest ég hér við skrif og segi einhverjar fréttir.

Ég hef verið að æfa handbolta með íslenska handboltaliðinu Guðrúnu og í dag fékk ég að spila fyrsta leikinn minn. Spilaði tæpar 20 mín. sem varamaður í hægra horni (ég er samt rétthentur svona fyrir þá sem ekki vissu;))
Við töpuðum leiknum með 3 mörkum en þetta var ágætis skemmtun þrátt fyrir það.

Af vinnunni er það svo að frétta að ég er bara búinn að vera til láns hjá stærra fyrirtæki, sem er alveg ágætt. Málið er nefnilega það að iðnaðarmenn finna fyrir kreppunni á þann hátt að fólk lætur endurnýjungar, og viðgerðir neðst á listan yfir útgjöld og það höfum við fundið fyrir því í litla málarafyrirtækinu sem ég "vinn" fyrir. Það var nefnilega þannig að það var ekkert að gera í eina viku hér fyrir nokkru síðan.
En það hefur bjargað mér mikið að vera þarna til láns.

Svo eru góðar fréttir: Það er búið að stækka nettenginguna hingað inn á Sólbakkann og það þýðir að ég get loksins sett inn myndskeið af okkur (þó aðallega Lovísu Margréti) á heimasíðuna. Ég minni ykkur líka á að gömul myndskeið getið þið fundið hér: http://www.youtube.com/user/ebbi1982
En það nýjasta kemur líkt og áður inná Lovísu myndbönd boxinu efst uppí hægra horninu :)

Mig langar líka að segja hvað mig hlakkar rosalega til að koma heim til Íslands, ég get ekki beðið eftir því að hitta ykkur öll...good times!

jæja þá ætla ég að fara að horfa á Dýrin í Hálsaskógi með henni Lovísu minni....AAAaaaatsjúhh!

ástarkveðjur
Ebbi

tíminn líður hratt á gervihnattaöld...durulurulu

2008-10-28T20:36:00.002+01:00

Já ég verð að segja að ég er orðin smá stressuð!

Það er að koma 1. nóv sem þíðir að þá eru 5. vikur eftir til jólafrís.
Það er brjálað að gera hjá mér í skólanum og rosa spenandi tímar framundan.
Ég er í svaka spunaverkefni núna sem tekur 7 vikur!! Ég segi ykkur betur frá því seinna.
Er alveg að sofna svo ég ætla ekkert að berjast við þreytuna. Tímanum var breytt síðasta sunnudag svo nú er bara 1klst. á milli okkar.

kossar þangað til næst kv. Gudda grís

Skilgreiningar

2008-10-22T15:08:00.001+02:00

SÓSÍALISMI
Þú átt 2 kýr.
Þú gefur nágranna þínum aðra þeirra.

KOMMÚNISMI
Þú átt 2 kýr.
Ríkið tekur þær báðar og gefur þér mjólk.

FASISMI
Þú átt 2 kýr.
Ríkið tekur þær báðar og selur þér mjólk.

NASISMI
Þú átt 2 kýr.
Ríkið tekur þær báðar...og skýtur þig svo.

SKRIFRÆÐI
Þú átt 2 kýr.
Ríkið tekur þær báðar, skýtur aðra þeirra, mjólkar hina og hellir svo allri mjólkinni.

HEFÐBUNDINN KAPITALISMI
Þú átt 2 kýr.
Þú selur aðra þeirra og kaupir naut. Þú stofnar kúabú og hagnast vel. Þú hagnast vel, selur kúabúið og sest í helgan stein

SÚRREALISMI
Þú átt 2 gíraffa.
Ríkið krefst þess að þú farir í harmonikkunám.

BANDARÍSKA FYRIRTÆKI
Þú átt 2 kýr.
Þú selur aðra þeirra og þvingar hina til að gefa af sér mjólk á við fjórar kýr. Þú ræður svo sérfræðing til að komast að því hvers vegna hún datt niður dauð.

FRANSKT FYRIRTÆKI
Þú átt 2 kýr.
Þú ferð í verkfall, skipuleggur mótmæli og tefur umferð...vegna þess að þú vilt eiga þrjár kýr.

JAPANSKT FYRIRTÆKI
Þú átt 2 kýr.
Þú endurhannar þær þannig að þær verða tíu sinnum minni, en framleiða tuttugu sinnum meiri mjólk. Þú markaðssetur svo nýja teiknimyndahetju, „Kúmann“, sem nær miklum vinsældum um allan heim.

ÞÝSKT FYRIRTÆKI
Þú átt 2 kýr.
Þú endurhannar þær þannig að þær lifa í 100 ár, éta einu sinni í mánuði og mjólka sig sjálfar.

ÍTALSKT FYRIRTÆKI
Þú átt 2 kýr.
Þú veist ekki hvar þær eru niðurkomnar. Þú ákveður að fá þér að borða.

RÚSSNESKT FYRIRTÆKI
Þú átt 2 kýr.
Þú telur þær og kemst að því að þú átt 5 kýr.
Þú telur þær aftur og kemst að því að þú átt 42 kýr.
Þú telur þær enn og aftur og kemst að því að þú átt 2 kýr.
Þú hættir að telja og opnar aðra vodkaflösku.

SVISSNESKT FYRIRTÆKI
Þú átt 5000 kýr. Engin þeirra tilheyrir þér í raun.
Þú rukkar eigendurna fyrir geymsluna.

KÍNVERSKT FYRIRTÆKI
Þú átt 2 kýr.
Þú ræður 300 manns til að mjólka þær. Þú segir atvinnuleysi í lágmarki og blómstrandi landbúnað. Þú handtekur fréttmanninn sem sagði frá stöðunni eins og hún er í raun og veru.

INDVERSKT FYRIRTÆKI
Þú átt tvær kýr.
Þú tilbiður þær.

BRESKT FYRIRTÆKI
Þú átt tvær kýr.
Báðar eru með gin-og klaufaveiki

ÁSTRALSKT FYRIRTÆKI
Þú átt 2 kýr.
Bissnessinn gengur vel.
Þú lokar skrifstofunni og færð þér nokkra kalda til að halda upp á það.

NÝ-SJÁLENSKT FYRIRTÆKI
Þú átt tvær kýr.
Sú til vinstri er asskoti löguleg.

ÍRASKT FYRIRTÆKI
Allir virðast eiga fjölda kúa.
Þú segir öllum að þú eigir enga.
Enginn trúir þér svo þeir sprengja þig í tætlur og ráðast inn í landið.
Þú átt enn engar kýr, en þú býrð þó amk í lýðræðisríki núna...

ÍSLENSKA FYRIRTÆKIÐ (LES: BÓNUS / BAUGUR)
Þú átt 2 kýr.
Þú selur 3 þeirra til fyrirtækis á opnum markaði með veði í gervifyrirtæki mágs þíns, gengur svo frá yfirtöku með vísan í skráningu á markaði þannig að þú færð allar 4 kýrnar tilbaka og skattaívilnanir vegna einnar til viðbótar. Afurðarétturinn af kúnum 6 er færður yfir á fyrirtæki í Karíbahafinu, en leynilegur meirihlutaeigandi þess selur þér aftur réttinn að öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að einni til viðbótar. Þú selur eina kú til þess að þóknast ónefndum stjórnmálamanni og átt þá níu kýr. Rétturinn að nautinu er seldur almenningi í hlutafjárútboði.

Ég er á leiðinni......til þess að segja þér.......ég elska þig úúú

2008-10-15T11:40:00.002+02:00

Já við erum búin að kaupa okkur farmiða heim til ísland 18.desember og verðum við á eyjunni til 6. Janúar :)jabadabadú!!

Langur tími og ætlum við að ná að hitta alla og knúsa alla.
Já en ekki vanmeta tímann því hann er fljótur að líða svo við viljum endilega skipuleggja hann vel.

Já þannig er það Vúhú!!

Ef þið eruð með hugmyndir um hitting og dagsettningar þá endilega látið okkur vita.

kysses

Já, ég ætlaði að biðja um smá yfirdrátt

2008-10-08T21:39:00.003+02:00

Þetta er ekki fallegt ástandið heima á klakanum og það streyma inn fréttirnar hér í DK á hverjum degi.
Maður mætir í vinnuna saklaus og reynir að vera bjartsýnn en þá mæta manni danskir kollegar sem grínast bara með stöðuna, ætli þeir myndu grínast ef þetta væri þeirra peningur?
En það er svo sem gott og blessað, maður reynir jú bara að hafa gaman af því sem er gott.

Bubbi var í viðtali hér í danska ríkissjónvarpinu (ásamt mörgum öðrum) og hann er svo mikið fífl... já ég segi það bara.
Hann byrjaði á að segja það að kærleiki (3svar sinnum, svona til áherlsu!) væri það sem við þyrftum núna. Svo bætti hann við að hann hefði alveg tapað pening en hann væri bara þakklátur að vera með tvær lappir, eiga heilbrigð börn og konu og svo tónlistina. Jájá, það er svo sem rétt hjá honum en þegar þetta kemur frá honum hljómar þetta sem hinn AAALversti hroki, úff!!!

Ég ætla ekki einu sinni að reyna þykjast skilja öll þessi orð sem brjótast út í þessu máli og finnst mér svolítil hræsnislykt af fólki sem slær svo um sig og þykist alveg vera með á nótunum. Þetta er fólkið sem tók sér yfirdrátt til að kaupa flatskjá, bara af því að það var það nýjasta á markaðnum, endurfjármagnaði lánin sín til að "leika sér" þ.e kaupa sér nýjan bíl, sófa og eldhúsinnréttingu, ég spyr bara: eruði að grínast???

Látið ykkur þetta að kenningu verða og hugsið nú aðeins lengra en til náungans sem getur leyft sér þessa hluti þar sem hann á fyrir því. Ekki trúa blint á það sem bankaráðgjafinn ykkar segir,við erum bara líkt og vel mjólkandi kýr kúabóndans, tekjulind; ekki trúa blint á spár og loforð ráðherra sem eru bara að tryggja sér volgt sætið á alþingi og ekki halda að þetta reddist bara.
Ef að sjórnvöldin eru ekki með neitt "budget" þá þurfum við einfaldlega að líta raunsætt á okkar mál og gera eitt slíkt fyrir okkur sjálf.

Annars er allt gott að frétta af okkur og þar sem ég fæ útborgað í dönskum krónum þá var ég að hugsa um að skreppa til Íslands í eina verslunarferð, eða svo.

Með ást og umhyggju
Ebbi

Umm eplabaka

2008-09-25T12:17:00.003+02:00

Við mæðgur erum bara heima í dag.
Lovísa var voðalega óróleg í nótt, talaði mikið og vældi svo annað slagið upp úr svefni.
Svo þegar við vöknuðum í morgun var hún alveg rugluð. Vissi ekkert hvar hún var og vildi bara fara "þangað", veit ekki alveg hvað hún átti við með því þessi elska.
Ég mældi hana því og var hún með 38° Það er reyndar alls ekki hár hiti meðað við hennar hita. Hún fer alltaf yfir 39° ef hún veikist og reyndar bara frekar 40°.
Það amar svo sem ekkert sérstakt að henni en hún er óttalega vælin greyið.

En jæja við mæðgur ákváðum því í sameiningu að vera heima í dag. Við erum búnar að hafa það voðalega huggó. Horfa á Latabæ, Dýrin í hálsaskógi og lesa. Vaska upp og baka!

Já baka takk fyrir takk. Við ákváðum að bjóða Vigdísi vinkonu í kaffi og Eplaböku (úr eplunum sem vaxa á fallega eplatrénu okkar hérna á sólbakkanum). Ég átti reyndar ekki til mjólk, né sýrðan rjóma með kökunni svo vigdís varð að taka það með:) takk fyrir það.

En já nú er kl: Hádegi og Lovísa er að leggja sig. Það er æðislegt veður og ég sit bara úti á svölum að njóta loftsins og jú að sjálfsögðu sólarinnar;)

Ég er að byrja í dönskunámi. Það er á Þriðjudögum og fimmtudögum frá 17.30 -21.30 í sex vikur! Ég veit þetta er mikið og verður svaka vinna en þetta er eitthvað sem borgar sig!
Það versta við tímasettninguna er að Ebbi er akkurat í handbolta á sama tíma svo þetta verður algjört púsluspil.

En já takk fyrir kveðjurnar elsku vinir, gaman líka að fá að heyra aðeins frá ykkur:)
Því ekki eruð þið (bara meint til þeirra sem við á) dugleg að blogga eða blogga yfir höfuð!!!HA

Bara smá bögg

En ég elska ykkur öll

Já já ok ok

2008-09-22T21:59:00.003+02:00

Ég ætla ekki að byrja á að afsaka mig eins og alltaf!!

En bara svo þið sýnið smá skilning þá er bara búið að vera brjálað að gera, við búin að vera með gesti og bara enginn tími til að blogga!
Eða kanski er ástæðan frekar sú að það er frá svo miklu að segja að maður fær bara fyrirtíðaspennu við að hugsa til þess að maður þurfi að segja frá því öllu og hættir því bara við.

En nú getið þið hætt að kvarta því það er komið nýtt blogg;)

Það eru enn ekki komnar nýjar myndir því flakkarinn sem við keyptum, á í samskiptaörðuleikum við Macann og eitthvað og eitthvað sem ég ekki skil.
Ég veit bara það að eina ástæðan fyrir því að ég sagði já við að kaupa eitthvað svart box sem stendur núna á fínu hillunni minni og passar ekkert inní, var svo að við gætum tæmt tölvuna og komið nýjum myndum inn....en það er ekki hægt!! Argh

Jæja þá er komið að fréttum.

Lovísa er orðin 2.ára Við héldum æðislegt pylsu/Fílaköku partý föstudaginn 12.sept. Það var geggjað stuð og skvísan vissi sko alveg hvað var í gangi.
Hún kann að segja að hún sé tveggja ára og reynir að sýna það með þumal og vísifingri. Stundum heppnast það ekki og þá réttir hún fram sýna löngutöng á hvorri hönd fyrir sig.
Það hefur vakið upp mikla kátínu hjá þeim krökkum sem vita hvað það merkir;)

Hún er byrjuð á Carlsberg vuggustuen. Það var ekkert mál að venja hana við. Hún er svo dugleg þessi snót. Hún er annars bara mjög hress, stækkar og stækkar og bætir nýju orði við orðaforðann næstum á hverjum degi. Hún er rosalega dugleg að leika sér og er algjör dundari.
Við erum búin að taka aðra hliðina af rimlarúminu svo núna sefur hún í rúmi eins og stóru krakkarnir:)

Ég er á fullu í skólanum og gengur bara mjög vel.
Ég er rosalega ánægð með "næstum" alla mína kennara og er mórallin alveg super góður. Námið er reyndar mun erfiðara en ég hefði nokkurntíman getað ímyndað mér.
Á hverjum degi er verið að stíga langt yfir það sem maður þekkir sem sínar eigin grensur og allt er áskorun.
Ég er samt alveg í skýjunum og finst mér ég loksins vera á réttum stað.

Ebbi er bara alltaf að vinna við að mála og líkar það I Quote: "bara fínt" Hann er byrjaður að æfa handbolta á fullu með Guðrúnu, sem er nafnið á félaginu;)
Hann er bara allaf jafn sætur og ske(ge)ggjaður hheheh

Jæja þetta var nú ekki svo erfitt, verð að viðurkenna það. En ég ætla að læra af mínum mistökum og lofa engu bloggi næsta mánuðinn;)

Þið verðið bara að vera dugleg að kommenta og jafnvel spyrja spurninga svo ég hafi meiri ástæðu til að setjast niður og svara ykkur.

Jæja mínir bloggþyrstu vinir ég kveð í bili

Auf weidersehen

AFSAKIÐ HLÉ

2008-08-26T20:21:00.002+02:00

Já elskurnar við erum komin heim frá Ítalíu.

Það var alveg yndisleg ferð í alla staði, bara slakað á og borðað og borðað og borðað:)
Við vorum við Gardavatn í 5 daga. Það var alveg dásamlegt Mamma, Massi og strákarnir voru líka og var Lovísa alveg í skýjunum yfir því að fá að vera með þeim allan daginn og við að sjálfsögðu líka.

Restina vorum við svo í Novellara, við hittum eitthvað af vinum okkar, fórum í göngur, spiluðum og borðuðum helling af ís;) nammi namm
Lovísa borðaði reyndar mikið af öllu, alltaf og verð ég að segja að ég hef aldrei séð barnið borða eins mikið eins og af matnum hennar Nonnu Tinu.
Í hverju hádegi og við hverja kvöldmáltíð kom hún okkur á óvart.
Hún bara sat og borðaði og borðaði og borðaði, sat bara og sagði meira.
Tina og Giovanni(amman og afinn) voru gjörsamlega yfirsig hrifin af snúllunni og hennar lyst;)

já gæti talað og talað um þessa ferð en ég ætla að staldra við að sinni.

Ég byrjaði í skólanum í gær..rosa gaman, líst rosa vel á bekkin en verð að segja ykkur betur frá því síðar í vikunni. Ég er nefninlega búin á því eftir andvöku nótt og svo tekur það á að byrja aftur í skólanum.

Lovísa er að klára sína síðustu viku á leikskólanum því 1. sept byrjar hún á þeim nýja.
Það verður kveðju hátíð á föstudaginn og ég á að koma með e-ð hollt að heiman, bollur eða eitthvað slíkt, Einhverjar hugmyndir?

Ebbi er byrjaður að vinna aftur og er alveg nóg að gera hjá þeim.
Við erum annars bara öll voða hress. Það eru allir af Sólbakkanum að snúa til baka frá sínum ferðum svo brátt verður lífið samt við sig.

Ég lofa að blogga aftur fljótlega og þá skal ég fara betur yfir stærstu atburði síðast liðinna vikna!
Já og hvað myndir varðar þá eru þær á leiðinni, það er bara ekki pláss í tölvunni eins og er svo þið verðið bara að bíða þolinmóð.

LOVE YA

HaHaHAHAhaha...

2008-08-16T05:32:00.001+02:00

hann er einn sá besti!

við erum farin til ítalíu og það kemur blogg þegar við komum aftur heim.

bestu kveðjur

SVONA Á AÐ GERA ÞAÐ!

2008-08-16T03:14:00.001+02:00

HOT HOT HOT

2008-07-30T10:06:00.002+02:00

Ætli það sé ekki efst á nálinni hjá mér hversu heitt búið er að vera.
Það er búið að vera svo heitt að Lovísa er búin að gleyma hvað föt eru;)

Ætlaði að ath á mbl hversu heitt væri en þar stendur 20° sem er bara bull!
Það er minst 25° ég er að kafna og klukkan er núna 10 um morguninn.
(nú 10 mín seinna: Já fór á DMI og þar stendur að það sé 25°.)

OK nú líður mér betur, var farin að halda að ég væri algjör aumingi.

En Ítalía nálgast og má maður því hugsa að það sé ágætt að hafa þennan hita til að venja sig við því sem kemur. Það er víst búið að vera ógeðslega heitt hjá mömmu og þeim núna.

Við erum annars bara hress, reyndar náði ég mér í eina ógeðslegustu flensu sem ég hef lengi fengið um daginn.
Ég var með svo mikla beinverki að ég fékk illt í andlitið.
Við Ebbi erum reyndar búin að vera mjög kvefuð og er ég svo komin með eitthvað "shit" í augun sem ég veit ekkert hvað er en lítur ekki vel út. En annars bara kát hehe

Við erum búin að vera með frábæra gesti, nefninlega Ástu móður systur hans Ebba og tvær dætur hennar. Þær Söndru og Rakel(sem gleymdi sólgleraugum) Og ekki má gleyma Jón Þór litla frænda sem verður eins árs núna í ágúst! (Sandra á hann)

Já þær komu færandi hendi... Fullt af gjöfum frá fullt af frábæru fólki frá Íslandi.
Takk kærlega fyrir okkur allir.

Og takk kærlega fyrir komuna og samveruna stelpur

Jæja ég þarf víst að fara að þvo þvott og sópa og skúra, því þó það sé æðislegt veður þá heldur lífið með sín leiðindaverk áfram!

sólarkveðjur frá sólbakkanum

Heima er best

2008-07-20T14:11:00.004+02:00

Nú getum við loksins sagt að lokal 22 á Sólbakkanum sé orðið að fallegu heimili.

Við Ebbi fórum síðustu helgi í IKEA og eyddum heilum 6 klukkustundum í þá ferð!
Þetta var ógeðslega leiðinlegt og nenni ég ekki að eyða fleiri orðum í það.
En uppskeran er góð:) Við náðum að versla allt sem okkur langaði í og ótrúlegt en satt þá var það einnig til en ekki búið eða vætanlegt;)hhheh
Við fengum svo góða vini til að aðstoða okkur við að setja allt saman og á sína staði á meðan Ebbi málaði.
Þetta gekk ótrúlega vel og hratt fyrir sig og vil ég nýta tækifærið og þakka hjálpsömum elskum fyrir hjálpina. Við setjum svo fljótlega inn myndir af litla huggulega heimilinu okkar.

Lovísa er öll að koma til. Hún kvartar enn einstaka sinnum yfir verkjum en þetta lítur vel út.
Eigum að fara í skoðun með hana í næstu viku og þá vitum við betur hvernig þetta hefur gróið. Hún fór á Vöggustofuna á föstudaginn og gekk bara voða vel.

Já talandi um vöggustofu....Við sóttum um flutning fyrir skvísu fyrir ekki svo löngu því eins og þið nú vitið þá erum við flutt og tekur það mig heilar 20 mínútur að hjóla með hana á leikskólann.
Þá á ég eftir að hjóla aftur heim og svo aftur seinna um daginn að sækja hana og já svo aftur heim!
Þið meigið sjálf reikna hversu langan tíma þetta allt tekur;)
En þetta eru rúmir 20 kílómetrar

Ég er semsagt búin að fá nóg af þessu og sóttum við um flutning.
Við fengum pláss hérna hinumegin við götuna og heitir Carlsberg Bryggeriernes vuggestue.
Þetta á að vera voða fín stofa og það besta er að þetta er líka leikskóli svo hún þarf ekki að skipta aftur fyrr en hún byrjar í skóla:)
Svo er ekki verra að Sóldís vinkona hennar byrjar á leikskólanum fljótlega svo það er ekki langt á milli þeirra.
Lovísa byrjar 1. sept.

En jæja nú ætlum að fara að gera eitthvað uppbyggjandi og fjölskylduvænt á þessum góða sunnudegi.

Ebbi er búinn að setja inn nýjar myndir og hér er smá sýnishorn:

Við fórum í ís-göngutúr og Lovísa fékk jarðaberjaís :)

Lóvísa er byrjuð að nota klósettið... af og til;)

og hér er hún að bíða eftir myndatöku uppá spítala, litla greyið

Bið ykkur vel að lifa

kv. Gunnella

OK OK OK

2008-07-10T12:59:00.003+02:00

Jæja þá erum við búin að fá formlega kvörtun um að við séum ekki að standa okkur í skrifum... svo það þíðir ekkert annað en að taka sig á!

Ég veit nú ekki alveg hvar ég á að byrja því það er svo langt síðan ég hef skrifað. Ætli ég byrji ekki bara á því sem er heitast á nálinni.

Lovísa er viðbeinsbrotin:( já það gerðist á þriðjudagsmorgun. Lovísa vaknaði kl 5 um morguninn og vildi bara fara á fætur svo ég tók hana uppí til okkar í von um að hún myndi sofna.

Eftir endalaust brölt, vandræði og tilraunir við að finna sér stellingu t.d. ofaná hausnum mínum, ofaná bakinu mínu og svo ofaná maganum mínum fann hún sér loks stellingu til fóta.

Hún lagðist með hausinn ofaná lappirnar mínar (ekkert þreitandi krakki;)
og sá ég að henni leið vel þar þannig að ég hugsaði" Æ ætla að leifa henni að sofna svona og svo færi ég hana."

Það næsta sem ég veit er að ég vakna við svaka dínk og fattaði ég þá strax hvað hafði gerst. Ég hafði sofnað og Lovísa var dottin úr rúmminu!

Já við fórum upp á spítala og eftir endalausa bið og sendingar fram og til baka um þennan risa spítala var okkur tilkynnt að sú litla væri brotin.

Það er því miður lítið hægt að gera við svona broti annað en að vera í fatla og það vill hun ekki sjá!
Við erum því bara með hana í stöðugu eftirliti svo hún beiti hendinni ekki of mikið og hrasi ekki eða eitthvað slíkt.
Annars sagði læknirinn að þetta tæki aðeins 3 vikur að gróa sem er mjög heppilegt því að.....

Já þá er komið að næsta atriði, við erum á leið til Ítalíu!!! Vúhú

Við förum 8. ágúst og komum til baka þann 18.

Við erum að fara í heimsókn til Novellara til mömmu og co. og allra sem við þekkjum þar.
Þess má geta að Ebbi er ekki búin að koma til ítalí síðan við bjuggum þar 2004 svo hann er mega spentur.
Við ætlum svo að eiða einhverjum dögum í íbúð á Gardavatni sem Tina og Gianni(amma og afi) eiga.
Hún er voða fín með sundlaug í garðinum og veitingastað og fleiru niðri. Þetta eru svona Hótel íbúðir sem fólk á og leigir svo út!

Já annars er ekkert meira að frétta.

Veðrið er bara búið að vera voða fínt og við búin að hafa það mjög gott.

Ég kveð að sinni, en áður en ég geri það langar mig að óska þeim vinum okkar Ebba sem voru að útskrifast, eignast börn eða bara áttu afmæli til hamingju!!

Einn RISA koss til ykkar allra!

Sólarkveðja til sólbúanna á íslandi

p.s. Ebbi setti nýjar myndir inn á júní mánuð fyrir einhverju síðan en það eru bara ekki "allir" að fatta það ;)

Nýjar myndir

2008-07-04T19:32:00.003+02:00

Það er bara allt gott að frétta af okkur. Ég hef það gott í vinnunni og Gunnella líka, hún vinnur alltaf á föstudögum og svo ef það vantar einhvern, veikindi og slíkt.

Lovísa er farin að tala alveg svakalega mikið og um daginn fór hún með leikskólanum í dýragarðinn, svo þegar hún kom heim sagði hún pabba sínum allt um ferðina og taldi upp öll dýrin sem hún sá og bætti því við að ljónin fengu að borða. Það er svo gaman að fylgjast með henni, það er eitthvað nýtt á hverjum degi :)

En nú er sólin aftur farin að skína og í gær var heitasti dagurinn það sem af er árinu, 30 gráður... very niiiice!

ég læt nokkrar af nýju myndunum fylgja sem sýnir hversu gott er að vera hér:

hér eru mæðgurnar í sveitinni hjá Jónasi afabróður

Lovísa að blása á fiðurkolluna

í Sápu baði, nú biður hún um "sábuh" þegar við segjum að hún eigi að fara í bað!

Dönsku tölurnar eru óskiljanlegar!!!

2008-06-24T19:28:00.001+02:00

Sumarið er tíminn...

2008-06-08T21:14:00.002+02:00

...sem maður er ekki inni að blogga!

Já ég bið ykkur bara að afsaka en dagarnir eru allir varðir utandyra og langt fram á kvöld oft. Við grillum nánast á hverjum degi og borðum svo úti með fleirum af Bakkanum, alveg hreint yndislegt!

Í gær fórum við á ströndina (Amager strand) og það var æði. Lovísa var svellköld og óð útí sjó upp að maga, ekkert smá dugleg. Svo var hún með skóflu og fötu sem hún lék sér að í sandinum sæl og rjóð.
Svo um kvöldið var grill, og þá meina ég mega grill. Við vörum örugglega 20 manns (+/-) jensens bøfhus rif á línuna og svo meðlæti, alveg hreint ótrúlega vel heppnuð grillveisla.

Já þetta er svo sannarlega ljúft líf hér hjá okkur. Við erum rosalega hamingjusöm.

Annars erum við með svo slæma tengingu hérna að það gengur ekki alltaf svo vel að birta myndir og myndbönd en ég held áfram að reyna og núna er reyndar komið eitt nýtt. bið ykkur að vera þolinmóð.

Sólar og sældar kveðjur
Ebbi

Takk takk takk

2008-05-22T21:40:00.002+02:00

Takk elsku vinir og fjölskylda fyrir allar kveðjurnar!! Ég var alveg í skýjunum yfir að þið skylduð muna eftir mér.

Ég átti alveg yndislegan dag, eftir reyndar frekar erfiðan morgun með elsku Lovísu minni sem var ekkert að reyna að gera mömmu sinni létt fyrir.
Ég skutlaði henni á leikskólan klukkutíma of seint, fór svo niður í bæ að hitta Gunnhildi og Rakel.
Þar byrjuðum við skutlur á því að fara á kaffi hús að fá okkur kaffi og afmælisköku.
Fórum svo á rölt niður Istegade með það markmið að finna einhvern búning fyrir afmælis"Eurovision"partýið sem ég, Magga og Kristín ætlum að halda fyrir pæjurnar á kollegiinu á laugardaginn.
Eftir mikið labb og grams í genbrug búðum var ákveðið að það þíddi ekkert annað en að setjast niður og fá sér bjór.
Við héldum svo leit okkar áfram eftir sötrið en án árangurs. Þá héldum við bara upp á Sólbakka þar sem Ebbi og Lovísa biðu mín með pakka (reyndar þurfti ég að bíða eftir þeim í tvo tíma, hljómar bara betur hinsegin;)
En já þið lásuð rétt ég fékk pakka Víhí
Ég fékk frá Lovísu þessa geggjaðslega flottu tösku úr HogM, sem ég var reyndar búin að benda pent á að mér þætti flott..hehhhe og rosalega fallega fuglanælu.
Svo fékk ég að vita það að hann elsku Ebbi minn væri búin að panta fyrir mig tíma á laugardaginn í nudd, andlitsbað og eitthvað fleira sem hann er ekki alveg viss um.. uuuummmmhhh get ekki beðið. Gæti ekki óskað mér betri gjöf :)

Kvöldið endaði svo með því að Gunnhildur og Siggi komu yfir og við pöntuðum þetta líka svona rosalega góða Sushi frá Stiks og Sushi, nammi namm

Já bara alveg fullkomin dagur

Elska ykkur kv. Gunnella

p.s. er að horfa á undankeppni eurovision og ég á ekki til orð! Hversu slæmt er þetta orðið? Eða hefur þetta alltaf verið svona?

Úfff...

2008-05-09T15:31:00.003+02:00

Það er svo heitt og það er svo gott að kíkja út í garð með einn kaldann!

vildi bara láta ykkur vita ;)
þetta er gömul mynd, nú eru öll trén græn og fín!!!

Gullkorn

2008-05-04T20:25:00.002+02:00

Þeir sem þekkja hann Ebba vel, vita að hann á það til "á hverjum degi" að sitja á dollunni með tölvuna við hönd og dvelja þar um stund.

Hann hefur haft það að vana síðan hann byrjaði að mála að koma heim kl 15 úr vinnunni, fara úr skítugu sokkunum og setjast á klósettið.

Þetta er ekki eitthvað sem við höfðum tekið eftir fyrr en að á þriðjudaginn þá vorum ég og Lovísa bara heima að dúlla okkur.
Lovísa var að leika sér inni í herbergi þegar hún sér út um gluggan að pabbi hennar er að koma heim. hún hleypur að dyrunum og tekur á móti pabba sínum með svaka knúsi og koss á kinn.
Því næst sest hún á gólfið og byrjar að rífa pabba sinn úr sokkunum. Ég og Ebbi horfðum hvort á annað og vorum ekki alveg að skilja hvað væri í gangi.
Því næst tekur hún í hendina á honum og byrjar að draga hann á eftir sér og segir "koddu, Koddu" hún dregur hann inn á klósett.
Þar opnar hún klósettið bankar á setuna og segir "sestu" Horfir á pabba sinn, graf alvarleg með sínum bláu stóru augum og segir "kúka"

Við dóum úr hlátri!! Föttuðum þá á þeirri stundu hversu rétt hún hafði fyrir sér, vorum bara ekki búin að taka eftir þessari rútínu hans Ebba.

Gleðilegt sumar og gleðjist gumar því gaman er í dag

2008-04-28T11:28:00.001+02:00

Ég er búin að vera að leita að vinnu seinustu daga og gengið svona upp og að ofan.
Mér bauðst vinna í tískuvöruversluninni Víla, en vinnutíminn var mjög slæmur þannig að ég afþakkaði pent.
Ég sótti svo um vinnu sem Vikar eða afleisingarmaður á Vöggustofunni hjá Lovísu.
Málið er að í sama húsi er leikskóli og önnur vöggustofa og er þetta allt undir sömu stjórninni.
Ég myndi semsagt leysa af vegna veikinda, sumarfría, og annara tilfella fyrir alla starfsmennina í þeirri byggingu ásamt því að vera alltaf að vinna á föstudögum. ( Eins konar flakkari, en með fasta setu á föstudögum á leikskólanum)
Svo í morgun þegar ég fór með Lovísu þá fékk ég að vita að ég væri komin með vinnu!! Víhí og ég byrja á miðvikudaginnVúhú!

Annars er bara allt gott að frétta af þessu bæ, allir hressir og kátir

Love Gudda

Jæja þá er sumarið að detta inn:)

2008-04-21T11:50:00.002+02:00

Þetta er búin að vera æðisleg helgi!
Leið reyndar eins og ekkju á föst. og laug. því þetta var löng helgi í DK. en Ebbi var að vinna.
Hann er semsagt byrjaður að vinna já. Hann er farin að mála og er að vinna frá 7-3 á daginn og frí um helgar, nema þegar mikið liggur á eins og síðustu helgi. Ég leyfi honum svo bara að segja ykkur nánar frá því.

Lífið á Solbakken er svo ljúft, krakkarnir eru bara alltaf úti að leika á meðan foreldranir sitja á bekkjunum að sóla sig, drekka kaffi og kjafta. Svo bara grilla allir saman og borðum svo uppi á 11. hæð þar sem er stór salur eða úti. Svo fara pabbarnir í fótbolta kl 17 eða að lifta lóðum og mömmurnar út að hlaupa. Svo eru pókerkvöld og kjafta klúbbar og ég veit ekki hvað og hvað. Allavega endalaust af lífi og fjöri!

En Halló halló halló kæru heima menn, langar að segja ykkur það að ég og Lovísa erum að koma á klakann!! Já við komum laugardaginn 10. maí kl 14.30 og fljúgum svo til baka miðvikudagsmorgun kl. 7.15 Ég veit að þetta er ekki langur tími og ekki séns að hitta alla en ef þið hafið áhuga og tíma þá endilega bara hafa samband;) mailið mitt er gunnellah@gmail.com

Ég verð ekki á bíl þannig að ég á ekki von á því að leið okkar liggi til Reykjavíkur en að sjálfsögðu eru allir velkomnir í heimsókn til kefló.

Hilsen Gunnella

Og nú erum við aftur þrjú...

2008-04-14T16:13:00.002+02:00

Já gott fólk þetta er búið að vera lítil bloggsíða seinustu vikur, en eins og ég sagði um daginn þá eru Mamma, Pabbi og Gréta María búin að vera hjá okkur.

Gréta kom 1. apríl og tókum við Gunnella á móti henni uppá flugvöll (Lovísa var í leikskólanum). Svo eftir að hafa skilað af okkur töskunum heim skunduðum við í bæinn, fengum okkur að borða og röltum strikið þangað til kominn var tími á að sækja lilluna.
Gréta fékk ansi gott veður hérna í kóngsins... og notaði það mest í innkaupaferðir ;) eins og sönnum íslenskum dömum sæmir :)
Svo á kvöldin var bara kósý hjá okkur, elduðum góðan mat, gláptum á sjónvarpið með snakk í annarri og NÓA KROPP (Mmmmm...) í hinni, spjölluðum og spiluðum. Bara allt mjög gaman og þægilegt.

Á þriðjudagskvöldinu komu mamma og pabbi og það var sko alldeilis sem þessar töskur þeirra voru þungar en þegar komið var heim skýrðist það. Þau komu með lambalæri -og hrygg, líka lambabóg sem við elduðum svo á miðvikudag (æææðislega gott) svo var það svoldið til að fylla á vínskápinn ;) graflax, osta og kaffi og svo fékk Lovísa líka eitt og annað. Það er ótrúlegt hvað allt þetta íslenska dót gleður mann óendanlega.

Við gerðum alveg helling á þessum tíma sem þau voru og var hápunkturinn klárlega þegar við fórum til svíþjóðar á föstudeginum. Við keyrðum til Bua (þar sem við áttum heima þegar ég var yngri) á bílaleigubíl og þegar komið var á staðinn kíktum við inn á gamla leikskólann minn sem rifjaði nú alldeilis upp nokkrar æskuminningar, það hafði ekki margt breyst þannig að það var mjög gaman að sjá Lovísu leika sér á sama stað og ég gerði :)
Svo var kíkt í búðir, sem eru í einum verslunarklasa sem er álíka stór og vetrargarðurinn hehe og þegar við gengum inn í "kaupfélagið" þá mundi ég eftir lyktinni, vá hvað það var skemmtilega skrítið.
En mamma og pabbi voru þó algjörlega á nostalgíu trippi og það var sama hvað við sáum eða hvert við fórum það var alltaf eitthvað og eins var líka frábært að þau hittu fólk sem voru vinir þeirra í "denn" og þau buðu okkur í kaffi sem var bara svo fínt. Enduðum svo ferðina í Varberg þar sem við tókum rúnt um bæinn og fengum okkur pizzu og ekta sænskt pizzusalat!!! það var ég sem heimtaði að fara á pizzeriu því ég mundi eftir þessu salati og það var alveg eins og mig minnti... Deeelish!

En annars var hellingur gerður sem fellur undir þessa týpísku köbenhefðir sem íslendingar hafa tileinkað sér í ferðum sínum hingað.

Takk fyrir góðlætið, örlætið og þolinmæðina elsku fjölskylda, við elskum ykkur.
Þúsund kossar og knús ykkar einlægur.

Ben Folds' cover of Such Great Heights

2008-04-13T03:10:00.004+02:00

Þar sem Gummi Joh vinur minn birti myndband af Ben Folds flytja Tiny Dancer eftir Elton John þá fannst mér tilvalið að deila með ykkur þessari snilld þar sem ég er nú svo mikill Postal Service fan ;)

Enjoy!!!

Tilkynningarskyldan

2008-04-09T13:08:00.002+02:00

Hæhæ

Vildi bara láta ykkur vita að Gréta er búin að vera hjá okkur frá 1. apríl og fór núna áðan og mamma og pabbi komu í gærkveldi og fara 14. apríl.

Voða gaman allt saman en þangað til verður lítið um blogg, maður þarf jú að hafa ofan af þessu liði;)

Hendi kannski inn nokkrum myndum samt.

Kveðja
Ebenezer

Fugle flugt

2008-03-31T12:52:00.003+02:00

Ég vaknaði kl.06.00 föstudagsmorgun eftir langan fimmtudag sem innihélt generalprufu sem misheppnaðist algjörlega!!
Ég lá uppí rúmmi og reyndi að kreysta augun í von um lengri svefn en stressið tók yfirhöndina.
Einum og hálfum tíma seinna var Lovísa vöknuð og var það hin besta afsökun til að fara á fætur.
Morguninn var góður og leið hratt... svo rukum við út í sólina sem sagði mér að þetta yrði góður dagur.

Ég fór með Lovísu á leikskólann og svo rölti ég á kaffihús þar sem ég fékk mér góðan morgunmat og fór yfir punktana mína frá fyrri æfingum.

Með bros á vör og mat í maga rölti ég uppí skóla og undirbjó mig andlega fyrir það sem beið mín.
Kl. var 10 en við áttum ekki að sýna fyrr en kl.14
Það þýðir samt ekki að nægur tími hafi verið fyrir hendi því 1. ár var nefninlega líka með sýningu... já, einn og hálfan tíma af þungum mónalogum í litlu, loftlausu herbergi!!

Ég hélt ég yrði ekki eldri. Þarna sat ég á óþægilegum stól, að drepast í augunum úr syfju og reyndi að líta út fyrir að hafa einhvern áhuga á þessu á meðan ég var bara að drepast úr stressi og hafði enga einbeitningu til að hvorki horfa né hlusta á þau.

En svo var þetta loks búið og loksins komið að okkur:)

Sýningin gekk frábærlega og ekki eitt einasta klikk. Salurinn var frábær og fékk ég algjört adrenalín flipp.

Svo var komið að því að heyra dómana frá kennurum.... Kennarinn minn sem var leikstjórinn kom með tárin í augunum og knúsaði mig og kyssti og hélt ég á tímabili að ég myndi missa andann því hann kreisti svo fast.
Hann sagði..." Þú varst frábær, þvílík leikgleði sem skein frá þér og setningarnar þínar lifnuðu við og þú varðst Lotta!
Svaka kraftur og mikil innlifun" ( Nú er ég að reyna að beinþýða ;)

Svo kom skólastjórinn og gaf mér knús og sagði.. Flott vinna með líkamsstöðu (Lotta er róni og mjög ókvenleg á allan hátt og þurfti ég því að fara í mikla ransóknarvinnu um hvernig slík "kona" ber sig) en svo sagði hann: góð framistaða hvað tungumálið varðar. Mjög skírmælt:)

Svo fékk ég einnig að heyra frá nokkrum að ég hafi stolið nokkrum senum þar sem ég sagði ekki neitt en bara með sterkri nærveru og mímík sem ég veit ekki hvernig ég á að þýða.
Svo fékk ég að heyra að ég hafi verið svaka fyndin og margir (þar á meðal Ebbi) sögðu að ég hafi verið óþekkjanleg sem þýðir að ég hafi skilað mínu:)

Ég sem leikari fékk ekki að heyra neitt neikvætt! (Held að það sé frekar vegna þess að þeir sem höfðu eitthvað neikvætt að segja héldu bara K.J því ég veit að það er margt sem ég þarf að æfa mig í og læra, en ég hef jú næstu þrjú árin til þess;)

Svo var bars svaka partý og stuð eftir sýninguna.

Á Sunnudeginum sýndum við svo fyrir fjölskyldu og vini eða um 70 manns og gekk bara ágætlega. Það var ekki mkill kraftur í hópnum og eitthvað um mistök.

Ég skilaði svosem mínu, gerði engin mistök en mér fanst samt eitthvað vanta. En svona er þetta víst. Það er aldrei nein sýnig eins og maður er bara mis upplagður. Ég fékk bara fínust hrós og vil ég bara þakka öllum þeim sem komu fyrir frábæran stuðnig!

Já svo þegar allir voru farnir og bara við úr bekknum og kennarinn eftir héldum við smá kveðjustund, því við erum bara tvær úr bekknum sem halda áfram. Eitthvað var því um tár en líka mikið af hlátri er við sátum og rifjuðum upp fyndin móment frá árinu.

Ég er semsagt búin með mitt fyrsta ár og aðeins þrjú eftir :)

6 dagar og hjartað slær örar

2008-03-22T13:27:00.002+01:00

Já það eru aðeins 6 dagar þangað til við sýnum fyrir kennara, samnemendur, fyrrum nemendur og fleiri. Við erum núna í páskafríi en frá og með öðrum í páskum hefst heljarinnar æfingar vika.
Líkt og ég sagði í síðustu færslu þá sýnum við svo fyrir fjölskyldu og vini á sunnudaginn 30. mars og svo er ég búin!! Vúhú
Það verður svo kveðjupartý á föstudaginn næsta uppí skóla fyrir okkur "Acting" skvísurnar :)

En já við litla fjölskyldan erum búin að vera í páskafríi síðustu 3 daga og erum við öll þrjú að klepra! Við erum ekki alveg gerð til að hanga svona heima og spila, baka, þrífa og glápa endalaust!
Við erum alltof miklar félagsverur til að þola svona einangrun. Málið er að kollegíið er tómt. Það eru allir annað hvort heima á íslandi eða uppí bústað eða einhverstaðar annarstaðar að gera eitthvað skemmtó.

Ég ætla að skrifa það í minnisbókina mína að muna að plana eitthvað geggjað fyrir næstu páska. Pottþétt!!

Annars erum við bara hress og frísk

kv. Gudda rudda bó budda

Allt fyrir aðdáendurnar ;)

2008-03-19T21:27:00.002+01:00

Já það hefur gengið á ýmsu seinustu vikur.

Fyrir ykkur sem ekki vissuð þá er Blend hérna úti að loka og þar af leiðandi er ég á barmi atvinnuleysis (smá drama, hehe) Nei,nei það er nú ekkert til að hafa áhyggjur af, ég er búinn að vera að leita og útlitið er bjart.
Svoldið sérstakt samt að vera ekki í Blend lengur þegar maður er búinn að vinna þar í tæp 4 ár, sérstaklega þar sem þetta er svo mikill lífstíll frekar en bara vinna.
En breytingar eru af hinu góða og þegar hurð lokar opnast gluggi og allt það!
Læt ykkur vita svo þegar líður á hvað gerst hefur í atvinnumálum.

En það er líka búið að vera gaman heima fyrir yfir helgina því við fengum gesti!
Amma Lúlla með Mikael, Gabríel og Samúel komu á fimmtudagskvöldið og leyfðum við Lovísu að vaka eftir þeim og vakti það mikla kátína hjá öllum.
Þau komu færandi hendi, og það ekkert smá, við höfðum gert svona smá óskalista og það var bara komið með allt saman og meira til. Takk fyrir það!
En við gerðum margt skemmtilegt og klárlega stendur uppúr ferð okkar í dýragarðin þar sem við sáum alveg rosalega mikið af flottum og stórmerkilegum dýrum sem við höfðum ekki áður séð. Veðrið var heldur ekki til að spilla fyrir, sól og blíða.
Lúlla komst þó ekki með því hún hafði náð sér í gubbupest!!! já og það er sko ekkert grín.
Svo á mánudagskvöldi áttu þau pantað flug til Ítalíu með SAS en eftir margar frestanir vegna snjóbyls (já það er rétt, sunnudagur sól og blíða - mánudagur snjóstormur, Global Warming einhver?) þá var fluginu aflýst. Þau fengu svo hótel yfir nóttina og fóru svo í gærkvöldi.
Takk fyrir okkur öll.

jæja ég ætla að fara nudda Gunnellu...
þangað til næst

Og svo fyrir AC/DC aðdáendurnar

2008-03-18T16:09:00.001+01:00

Og fyrir M.J aðdáendurna

2008-03-13T00:18:00.003+01:00

það er þess virði að bíða!!!
Góðir hlutir gerast hægt

Fyrir ykkur Maríu Karrí aðdáendur

2008-03-13T00:18:00.001+01:00

alveg óborganlegt!!!

Lífið í DK.

2008-03-09T15:51:00.003+01:00

Jæja þá hef ég loksins gefið mér tíma til að setjast niður og skrifa... en hvar á ég að byrja??

Skólinn: Það gengur bara voða fínt og eru nú aðeins 19 dagar í frumsýningu sýningar okkar "Fugleflugt"
Við sýnum semsagt fyrir nemendur og kennara þann 28. mars og svo fyrir fjölskyldu og vini þann 30. mars. OG SVO er ég bara búin með þennan áfanga og fer bara að vinna!! Eða þangað til í enda ágúst því þá byrjar skólinn á ný:)

Þetta er alveg fínt leikrit sem við erum að fara að sýna, það fjallar um þessar fimm manneskjur og líf þeirra og síðan hvernig þær tengjast allar á undarlegan hátt og þá aðalega í gegnum einmannaleikann.

Ég leik 25 ára stelpu sem er heimilislaus og frekar drykkfeld, hún er mjög svo þung á sér og svooo ókvennleg. Hún talar mjög hægt og er frekar sljó í öllu sem hún gerir. Segir mjög mikið öö, ha, umm og slíkt á undan setningum þannig að þetta er frekar mikil áskorun fyrir mig. Ég er búin að vera í miklu basli með þennan karakter því hún er svo langt frá mér í öllu sem hún gerir og segir. En þetta er allt að koma hjá mér og vona ég að ég verði búin að átta mig á Lottu (nafnið) áður en ég opinbera hana fyrir fjöldanum.

Danskan: Ég hef mikið fengið að heyra það frá kennurum mínum og samnemendum að ég sé orðin ansi flink í að bera fram dönsk orð. Þannig að nú skilst allt sem ég segi sem er stór árangur;) hhehhe
Jú danskan gengur bara fínt!

Lífið: gengur bara vel... Síðustu 3 vikur voru ansi erfiðar því Lovísa er búin að vera lasin og höfum við Ebbi því þurft að skiptast á að vera heima með skvísuna. Við erum svolítið búin að ná að redda okkur á því að ég fari í skólann fyrir hádegi og hann vinni eftir hádegi.
Við erum voðalega glöð hérna á Sólbakkanum og erum við búin að kynnast fullt af frábæru fólki( Hera: t.d. Kristínu vinkonu þinni frá Laugavatni)

En í dag er sunnudagur og erum við fjölskyldan búin að hafa það ansi huggulegt um helgina.
Á föstudaginn var okkur boðið í mat til okkar elskulegu granna sem hugsa svo vel um okkur, þeirra Vígdísar og Eika.
Það var enginn smá matur heldur, því í boði var íslenskt lambalæri með öllu tilheyrandi. Brúnuðum kartöflum, jólasalati, gulum og grænum baunum og þá erum við að tala um ORA. Brúnni sósu, rauðkál og sultu! Og ef þið hugsið ummm þá verðið þið að heyra þetta..
í eftirrétt fengum við tatarata: Royal búðing og til að toppa þetta þá var hann blandaður; súkkulaði og karamellu, sem er eins og þeir sem mig þekkja vita að er mitt uppáhald!

Á laugardaginn fórum við mæðgur í Íþróttaskólann kl.10. Eftir hann fórum við 3 mömmur á kaffihús í blíðunni á meðan krakkarnir lúruðu þreitt eftir hlaupin í vögnum sínum. Ebbi kom svo heim úr vinnunni kl 17.30 og ákváðum við þá bara að hafa það huggulegt heima fyrir. Ég var svo sofnuð kl:20.30(!) í sófanum og því ekki mikið sem ég get sagt eftir það;)

Í dag erum við svo búin að fara út að leika, þvo þvott, þrífa, baka og margt fleira sem sunnudagar bjóða uppá.

Vona að þessi lesning svari eitthvað af þeim spurningum sem hafa skotist upp í koll ykkar um okkur uppá síðkastið.

Kossar og knús til ykkar frá okkur.

Nýjar myndir og videó

2008-03-05T12:35:00.001+01:00

vildi bara láta ykkur vita.

Góðar stundir

2008-02-28T21:32:00.003+01:00

Ég vil nú bara byrja á því að segja að seinasta vika og helgi var mjög skemmtileg og eiga Þorri og Kría allar okkar þakkir fyrir góðar stundir.
Þau komu á þriðjudeginum og fóru svo á sunnudagskveldinu (reyndar seint, eftir "smá" seinkun uppá velli). Þau kíktu auðvitað í búðir eins og sönnum íslendingum sæmir og sötruðu öl.
Á föstudagskveldinu þá komu þau, ásamt Daða og Ástu sem eru búsett hér í DK, í mat til okkar og var það Mexikó kjúklingarsúpa sem Gunnella matreiddi af sinni snilld (mmm... hvað hún var góð, og sterk :)) Eftir það sátum við og drukkum og vorum glöð.
Mjög gott kvöld í alla staði, Takk, Takk, Takk.
Sunnudagurinn var svo algert æði Þorri og Kría komu til okkar í smá kaffi og svo var planað að ég færi með þeim í Carlsberg verksmiðjuna.
Það var mjööög gott. Borguðum litlar 50 dkr inn og innifalið í því eru tveir bjórar, og fyrir bjóráhugamanninn mig þá var þetta mjög gaman, bæði fræðandi og svalandi í einu ;)
Eitt er alveg víst; komandi gestir eru á leiðinni í Carlsberg sama hvort þeir fái sér bjór eða fanta.

Já ég má heldur ekki gleyma að segja ykkur frá gjöfinni þeirra!
Kría er svo sniðug að hún geymdi moggan frá föstudeginum 15 sept. 2006 (sem þið ættuð að vita er fæðingardagur Lovísu) og þau komu semsagt með hann og er þetta alveg rosalega falleg og hugulsöm gjöf. Það verður svo gaman fyrir Lovísu að glugga í þetta eftir 15 ár, ímyndið ykkur bara.
Já það þarf sko ekki marga þúsundkalla til að gleðja fólk!
Takk æðislega fyrir þetta elskurnar.

En einmitt það: komandi gestir, þeir eru nokkrir.
Lúlla er að koma með strákana eftir 2 vikur og verða yfir helgi áður en þau fara til Ítalíu.
Mamma og Pabbi eru búin að bóka ferð og koma þau þann 8 apríl og verða í viku en Gréta systir er að koma þann 1sta sem þýðir að það verður ansi gaman (og "bissí") á næstunni ;)
Katrín og Fannar koma svo í byrjun maí til DK og vonumst við til að hitta á þau svolítið og svo eru jú fleiri og fleiri sem leggja vonandi leið sína til DK og okkar í leiðinni.

Ingó hvenær ætlið þið að koma??? Folfið bíður!

Það eru allir velkomnir allaveganna þó ekki sé nema stutt innlit.

Við Gunnella erum að hugsa um að föndra eins og eitt stykki gott dagatal sem er sérstaklega ætlað til gesta og heimsókna ;)

En ég segi þá bara: Sjáumst!

Loksins Loksins!

2008-02-25T23:48:00.001+01:00

Ég hef í gegnum mína tónlistarlífsleið aldrei haft mikið álit á samtíma söngkonum. Það hefur alltaf verið svo gerfi-eitthvað, endalausar slaufur og endalausir tónar og algjörlega tilgangslaust rusl bara!
Ég á þarna við poppstjörnurnar nota bene. Eldri Djasssöngkonur og eðal rokkarar eins og Janis Joplin og Grace Slick úr Jefferson Airplain eru auðvitið Frábærar og ekkert slæmt um þær að segja.
En ég var eiginlega alveg búinn að gefast upp á kvennfólki og tónlist þangað til að Indie-ið kom til mín, nú eru þær margar hverjar sem gefa fyrrnefndum stórstjörnum ekkert eftir.

Hérna er ein sem ég alveg hreinlega elska! Röddin hennar og léttleiki er eitthvað svo flauelismjúkt að ég næ ekki að grípa um það, svo dillir hún sér eins og enginn sé morgundagurinn ;) Svo eru myndböndin svo listarlega gerð, allt er svo æðislegt bara!
Þetta er hin kanadíska Leslie Feist og hana vil ég kynna fyrir ykkur til að hleypa smá sól og gleði í hjörtu ykkar.
Gjöriði svo vel

Seinni fréttir:

2008-02-18T22:41:00.003+01:00

Okkur var að berast þetta myndskeið af listakonunni Lovísu Margréti þar sem hún tjáir sig um nýjustu verk sín og stöðu mála.
(við byðjumst velvirðingar á textaleysinu)

Nyhederne

2008-02-18T11:07:00.003+01:00

Já þessi helgi var fríhelgi hjá mér og var hún að sjálfsögðu nýtt í að koma standi á heimilið.
Þetta gengur allt, ekkert alltof hratt en við erum heldur ekki að stressa okkur á þessu. Bara þegar við eigum tíma þá gerum við eitthvað. Einnig verðum við að dreifa útgjöldunum.

En á föstudagskvöldinu spörsluðum við smá og máluðum ganginn hjá klósetttinu og vildi ég aðeins föndra við hann; mála ramma og setja svo spegil á vegginn miðjan. Hann lítur vel út innan í hvítum ramma á gráum vegg.

Á laugardagsmorgninum fóru þær mæðgur í íþróttaskólann þar sem var spriklað og sparkað. Lovísa skemmti sér alveg konunglega.
En þegar hún vaknaði eftir lúrinn sinn var hún alveg ómöguleg þannig að við mældum hana og hún var komin með 39 stiga hita :(
Hún er búin að vera alveg lystarlaus en við reynum að koma einhverju ofan í hana og látum hana að sjálfsögðu drekka mikið.

Laugardagsverkefnið var svo að koma upp hillunum inní stofu og því var borinn framlenging handanna þann daginn. Úff, það gekk EKKI vel!
ég boraði og boraði og boraði og boraði og svo aðeins meir en ekkert gerðist!!!
Þessi burðarveggir eru ekki neitt slor hér á sólbakkanum. (nei þetta er ekki aumingjskapur í mér!!! þetta var batterísborvél og ekki alltof góður bor)
Á endanum komst þetta svo upp en það var bara önnur hillan :(
Hin fer svo upp í dag eða þegar ég næst hef tíma

Á sunnudag fengum við svo gesti. Það voru Ásta Björg móður(ömmu)systir og Jón maður hennar og svo vinir þeirra Jón og Mæja. Gunnella bakaði þessar dýrindis skonsur / amerískar pönnukökur og með þeim voru ávextir og síróp, mmmmm... það var gott.
En allavegana, þau stoppuðu ekkert svo lengi en þetta var góð heimsókn. Svo komu þau líka færandi hendi. Mamma hafði keypt föt á baby-born og svo voru sokkar og spennur til Lovísu en aðalatriðið var skokkurinn sem amma er búin að vera prjóna á lilluna sína og læt ég fylgja með mynd af dömunni. Einnig var með í pakkanum Lýsi og e-ð súkkulaði og þar á meðal lítil páskaegg sem Ásta var svo góð að færa okkur ef ske kynni að við fengjum ekki alvöru þá væri þarna allaveganna málshættir.
Takk æðislega fyrir heimsóknina og takk fyrir gjafirnar.

Í dag er ég svo heima með Lovísu því hún er ennþá veik:(
Ég er líka búinn að setja inn nýjar myndir og videó streyma inn sömuleiðis

Bestu Kveðjur
Ebbi og Lovísa Margrét

Hey Jude-Jude-Jude-Judey!!!

2008-02-16T13:52:00.001+01:00

Þessi er með þetta allt á hreinu!

Aldrei aftur!!

2008-02-12T12:21:00.000+01:00

Jæja þá ætla ég að segja ykkur söguna af því...

Eins og þið kæru vinir og vandamenn vitið þá vorum við að leigja íbúð við nattergalevej, íbúðin er 53 fm og vorum við að borga 6000 dkr. á mánuði. Fyrir okkur íslendinga hljómar það ekki svo mikið, en það gerir það hér í DK.

Við sóttum um húsaleigubætur líkt og við eigum rétt á, en eigendurnir sögðu við okkur að við ættum ekki rétt á húsaleigubótum því þetta væri framleiga og þetta væri svo stuttur tími svo þau neituðu að skrifa undir.

Þegar liðið var á leigutímann tók Ebbi sig til og fór með samninginn okkar á hina og þessa bæjarskrifstofuna til að ath hvort við ættum einhvern rétt.

Uppúr því kom að við vorum að borga alltof háa húsaleigu og að þetta var ekki framleiga, heldur var eina ástæða þess að þau neituðu að skrifa undir sú að þá hefðu þau þurft að gefa leiguna upp til skattsins.

Við sendum þeim mail (nokkrum sinnum) þar sem við báðum þau vinsamlegast um að sýna okkur einhverja pappíra sem myndi styðja þeirra rök. En aldrei svöruðu þau því.
Þau sendu aðeins til baka, að við ættum að vera flutt út 31 jan. og íbúðin hrein og bla bla bla og að þau gætu hitt okkur kl 7.30 eða 8.30 föstudagsmorguninn 1. feb til að afhenda lykla og fara yfir hitamæla.

Við sendum til baka að við gætum ekki hitt þau fyrr en 9.30 þann morgunn vegna þess að það væri hátíð í skólanum hjá Lovísu. Þau gátu það ekki og sögðu þau okkur bara að skilja lyklana eftir í íbúðinni og svo myndu þau bara hafa samband með maili.

Þar sem við eigum inni hjá þeim 12000 dkr, (c.a 150.000kr íslenskar) sem tryggingarfé þá vorum við ekki alveg til í að afhenda lyklana.
Ebbi fer því kl 7.30 á föstudagsmorgni upp í íbúð til að hitta pakkið og hvað haldið þið!!!!
Þau voru mætt með iðnaðarlampa (!) til að fara yfir allt!! Ég var 3 daga að þrífa F******* íbúðina en samt fundu þau eitt og annað að!! Það var sprunga í eldföstu móti ( eldgömlu eldföstu móti) Það sást á svefnherbergisveggnum að rúm hafði staðið þar upp við!!
og fleira fáránlegt, en til að toppa þetta þá tók kjellingar B**** upp klósettstuna og sagði við Ebba:

" sérðu þetta?" Ebbi: uuhhh hvað? " Þessa setu keypti ég nýja þegar þið flytjið inn!!" Ebbi: uhh já, hvað er að? (setan var alveg hrein og sást ekki á henni)

Kjellan bendir undir setuna og Ebbi kíkir nær, þá sér hann að gljáinn hafði minnkað. Hún var semsagt mattari eftir að hafa verið notuð í 6. mánuði.

Þeim fannst íbúðin ekki nógu hrein og voru óánægð með þetta. (Ég var 3 klst. á hnjánum að þrífa aðeins gólfin með náttúru sápu og svampi því þetta eru einhver náttúruparket og mátti ekkert annað)

Ebbi brjálaðist, sagði þeim til synda sinna og lét þau vita að við ætlum að tilkynna þau til skattsins og húsaleigunefndar!!

Hann fór svo skjálfandi af bræði og ákváðum við þá bara að það þíddi ekkert að reyna að tala við þetta fólk því þau eru einfaldlega GEÐVEIK!!

Við erum nú búin að bíða spent eftir maili frá þeim þar sem þau ætluðu að reikna út hvað það myndi kosta þau að þrífa og mála íbúðina og kaupa nýtt eldfast mót.

( Æ gleymi að taka það fram að allan tíman voru þau alltaf að tala um að allt þyrfti að vera hreint og fínt fyrir næsta "leigjanda" sem er sonur þeirra og var að flytja inn þegar Ebbi og þau voru að fara yfir íbúðina!! hversu klikkað.. )

En jæja við fengum mail frá þeim í gær og ættla þau að draga 7.000 dkr af okkar 12.000dkr þannig að við fáum 5.000dkr til baka.

Næsta skref hjá okkur verður að láta danska ríkið taka þau í bakaríið!!

Afmælisbarn dagsins.

2008-02-09T19:01:00.000+01:00

Er hann faðir minn.

Hann er 51 árs karlinn en það er ekki að sjá á honum ;)
Við óskum þér innilega til hamingju Afi.

Þúsund kossar og knús:
Ebbi, Gunnella og Lovísa Margrét

smáfærsla

2008-02-06T23:18:00.000+01:00

Erum jú komin með netið en eins og gefur að skilja erum við á fullu í að koma okkur fyrir, græja og gera. Þess fyrir utan er Gunnella á fullu að æfa leikritið svo hún er ansi þreytt þegar hún kemur heim.
Ég vildi bara sýna smá lit á þessu bloggi og ég veit að þið eruð farin að bíða eftir almennilegum fréttum, og jafnvel myndum af nýju íbúðinni en þetta er allt spurning um að forgangsraða.

Þetta kemur allt saman.
Við þökkum fyrir þolinmæðina ;)

Bestu kveðjur
Ebbi Byggir

Lovísa ad hjálpa til

2008-02-01T18:46:00.001+01:00

Allir á fullu í flutningunum

Heima er best!!

2008-02-01T10:39:00.000+01:00

Erum ad flytja eins og er, ekki komin med netid. Vonum ad tad komi fljótt svo vid getum sagt ykkur alla soguna!!

Hafid tad gott á medan kv. littla fjolskyldan á 022 (íbúdarnr. okkar;)
p.s. er uppí skóla med danskt lykklabord

Myndablogg. Prufa #1

2008-01-30T17:30:00.001+01:00

Er nu bara ad sja hvernig tetta virkar. Tangad til næst

Athugasemdir

2008-01-28T08:31:00.000+01:00

Þó svo að þið hafið ekkert að segja um málin þá er alltaf svo gott að vita að fylgst sé með. Eitt lítið kvitt hér og þar gleður okkur svo mikið.
Líka útaf því að maður veit að maður er þá að skrifa fyrir einhvern.

Látið okkur vita hvernig ÞIÐ hafið það.

Kv. Ebbinebbi og Dömurnar ;)

Tímarnir fljúga áfram!

2008-01-26T10:39:00.000+01:00

Já það er sko alveg ótrúlegt hvernig maður er varla fluttur frá íslandi þegar 5 mánuðir eru liðnir og við byrjuð að undirbúa flutning á nýjan leik.
Lovísa er líka orðin svo stór. Hún hleypur um allt, dansar og syngur og okkur finnst eiginlega eins og hún hafi aldrei gert annað.
Svo er hún voða dugleg að tala, en eins og við segjum þá lærir hún að tala í gegnum sönginn ;)
Áður en við vitum af verður hún altalandi, syngjandi og á dansæfingum fjórum sinnum í viku!

Æjj ég vildi að þið gætuð öll upplifað þetta með okkur.

Jæja en svona er þetta og við gerum bara okkar besta í að flytja ykkur fréttir ásamt nýjum myndum og myndböndum. Svo verðiði bara að vera dugleg að koma í heimsókn.

Það eru semsagt komnar nýjar myndir og myndbönd frá janúar og nýjasta myndbandið var nú bara tekið í morgun svo það er heitt af vélinni.

Þangað til næst,
ástar -og saknaðarkveðjur
Ebbi

Ótrúlegt en satt?

2008-01-22T20:54:00.000+01:00

Þetta er ansi skemmtileg lesning.

(Ath að greinin er á ensku.)

Annars er allt gott.
Bestu kveðjur:

Solbakken here we come!!

2008-01-20T11:12:00.000+01:00

Já kæru lesendur, eins og þið gátuð lesið í síðustu færslu þá höfum við litla fjölskyldan ekki átt sjö dagana sæla upp á síðksatið.
Ég og Lovísa höfum verið uppteknar við það að fara á hina og þessa skrifstofuna og væla í fólki og skoða skítaholur sem legjast áttu út á 7000dk.
Ebbi hefur svo verið með tölvuna fasta við andlitið í 2 vikur að leita að íbúðum og senda fólki maila.

Við vorum orðin ansi svartsýn síðasta fimmtudag þegar aðeins voru 2 vikur í að við ættum að flytja út úr íbúðinni.
Eftir vinnu hjá Ebba ákváðum við að nú væri ekkert eftir nema bara að drífa sig á fund hjá húsráði Solbakkans. (Langar mig að taka það fram að Solbakken er kollegie sem við höfum heyrt að sé lang best að búa á, lang barnvænast og hefur það verið okkar draumur síðan að við vissum að við værum að flytja til dk. að búa þar.)

Jæja með fullan poka af áhyggjum og stressi á bakinu drifum við okkur upp í metro og héldum í átt að Solbakkanum. Lovísa var orðin ansi þreitt því fundatíminn er frá 19.30-21.00 og er hún vanalega komin uppí ból kl 20.

Þegar við komum inn á skrifstofuna tóku tvö undurfögur englaandlit á móti okkur. Þetta var fólk úr nefndinni sem var að vinna þetta kvöld. Þau hlustuðu á okkar sorga sögu og báðu okkur svo um að bíða aðeins
Þau fóru svo fram og aðstoðuðu annað fólk sem var að bíða, það tók svolitla stund og á meðan biðum við með hjartað í brókinni. Svo þegar þau voru búin að því sögðust þau aðeins þurfa að ræða málið. Við biðum enn lengra og virtist tíminn á tímabili standa í stað.
Þau komu svo fram og spurðu okkur hversu lengi við stefndum á að búa og hvenær Ebbi færi í nám og svona....... Svo sögðu þau...SSKKKOOOO

Ég vissi ekki hvert ég ætlaði því ég vissi það þá að við værum búin að fá íbúð!!

Þau sögðu okkur að það væri að losna íbúð núna 1. feb og að samkvæmt reglum þá þyrfti íbúðin að vera laus í 2. vikur svo hægt væri að fara yfir allar skemdir og laga þær og slíkt, en á sama tíma þá eru aðeins 4. mánuðir síðan það var gert því að íbúinn er aðeins búin að búa í henni síðan í sep-okt. Það þýðir að það getur verið að við fáum hana 10-13 feb.

Ég vissi ekki hvert ég ætlaði, augun fylltust af tárum og fór ég að afsaka það. Ég baðst síðan afsökunar á því að ég þekkti þau ekki neitt en ég yrði bara að faðma þau!

Þau tóku því bara vel og varð þetta tílfinningaleg stund bæði fyrir okkur og þau;) heheh tárin urðu síðan smitandi...þið vitið hvernig þetta er. Fátt betra en að gera góðverk!!

Jamm og já þetta þýðir semsagt að við erum komin með fast heimili eins lengi og við viljum. Íbúðin er 63.fm, tvennar svalir og erum við á fyrstu hæð(dönsku) Það eru ekki íbúðir á jarðhæð. Það er bæði vöggustofa og leikskóli, en höfum við ákveðið að láta Lovísu halada áfram á sinni. Allavega í einhvern tíma.
Það er risa risa risa stór sameiginlegur garður og hefur maður heyrt sögur af góðum grill partýum þar.
Það er leikvöllur, líkamsrækt, ljósabekkir, þvottahús, vinnustofu-lesstofa og margt fleira.
En til að toppa þetta þá komumst við að því sama kvöld og við fórum á fundinn að íbúðinn okkar er aðeins ská fyrir neðan frábært fólk sem heita Eiríkur og Vigdís. Þau þekkjum við frá Íslandi(Ebbi og Eiki eru félagar úr FB) og eiga þau litla prinsessu sem er ári eldri en Lovísa. Ekkert betra en að eiga góða granna :) hhehe

Æ ég er bara yfir mig ánægð og hlakka ég til að eiga góðar stundir þar.

En við erum ekki alveg laus því nú eigum við eftir að brúa bilið frá 1-13 feb. Fólkið sem við erum að leigja af sagði að við gætum ekki fengið að vera lengur...argh þau eru svo ómannleg að það hálfa væri nóg!!(löng saga)
En What ever ég er alveg til í 2. erfiðar vikur ef ég þarf ekki að hugsa um húsnæðismál næstu 4 árin!!

Kossar til ykkar allra og þakkir til þeirra sem hafa verið svo elskulegir að hugsa til okkar og hjálpa upp á síðkastið.

Ástarkveðjur
Gunnella

Heil og sæl...

2008-01-15T17:12:00.000+01:00

já en ekki Lovísa
jújú hún er auðvitað sæl eins og alltaf en hún er búin að vera lasin þessi elska frá því á föstudag.
Hún er búin að vera með hita og alveg svakalegt kvef, í augunum líka því það er búinn að vella úr þeim gröftur :(
En ég get svo sagt ykkur að á sunnudag þegar hún átti að fara sofa þá var það nánast ógerningur að láta hana sofna. Gunnella fór með hana inn og gerði allt eins og vanalega nema hvað að þær sofna báðar, á meðan beið ég bara frammi alveg hissa á hversu langan tíma þetta tæki.en þegar Gunnella rumskar svo og ætlar fram þá vaknar Lovísa :( Gunnella kom þá fram og bað mig vinsamlegast að sjá hvort ég gæti e-ð gert.
Ég fer inn og hún er eiginlega bara glaðvakandi og e-ð óróleg. (hún nær náttúrlega ekki að anda almennilega nema bara með munninum) Eftir smá tíma ákvað ég bara að taka hana upp til að sjá hvort eirðarleysið færi ekki úr henni og virtist það virka í smá stund nema hvað að hún reisir sig upp aftur og ég heyri bara hvernig allt ólgar í henni og hvað haldiði?
Hún Ælir svona svakalega! Yfir öxlina á mér og á rúmið okkar og svo aftur yfir sig og mig aftur og ég ætla að hoppa með hana inn á bað en þá var Gunnella á klósettinu!!! ´
Ég kalla á hana og tek e-ð handklæði sem er innan seilingar og set það fyrir Lovísu og þá ælir hún aftur, alveg eins og Múkki!
Þetta var sko ekki girnilegt, allt frekar hálfmelt og kekkjótt!

En já svona er þetta (fyrir þá sem eru í barnahugleiðingum takið allt svona inní reikninginn!)

Þetta var nú samt, sem betur fer, eina ælan hennar og eftir 1 og hálfa klst fór hún svo aftur að sofa.
hún fer svo í leikskólan á morgun þannig að allt er komið í lag aftur, nema bara "smá" kvef.

Þetta var helst í fréttum af henni Lovísu að sinni.

Annars er að frétta af íbúðarmálum að það gengur ekki allt of vel. Við eigum að skila af okkur íbúðinni í lok jan en höfum ekkert fundið ennþá þrátt fyrir að vera búin að leita villt.
Ef e-r lumar á hugmyndum eða samböndum ENDILEGA látið okkur vita, við erum að lenda á götunni!!!

Bless í bili.

Hræðsluáróður!

2008-01-09T20:57:00.001+01:00

Það er ekki tekið út með sældinni að búa í nútímanum. Þar sem "terror"-istar eru á hverju strái... eða það er allaveganna það sem við eigum að búast við, það er það sem fjölmiðlar og yfirvöld hræða okkur með.
Ég er allaveganna þeirrar skoðunar, eftir að hafa kynnt mér hinar ýmsu hliðar á hryðjuverkaástandinu hjá mis áræðanlegum miðlum, að þetta er ekkert nema einhver vondi kall uppblásinn af valdagráðugum mönnum vestanhafs (vil samt ekkert fullyrða) til þess að geta fylgst með öllum okkar ferðum og öllum okkar samskiptum. Þetta dúlbúa þeir svo sem "Almannaöryggi".
Þetta svokallaða almannaöryggi hefur leyft starfsmönnum flugvalla að hirða saklausar jólagjafir af fólki því það er hægt að nota sem barefli. Svo ekki sé minnst á að hneppa saklausa unga konu í varðhald vegna gruns um að Hún sé þessi óvinur, þegar hún er klárlega bara kaupóður íslendingur. (Ísland/Íslam, þeir hafa bara ruglast)

En þetta er málið, og það hræðir mig.
Það hræðir mig nefnilega fyrir þær sakir að svona lagað býður bara uppá mismunun, rasisma og ástæðulausan ótta!
Ég vilda að ég gæti verið laus við allt þetta en það er bara e-ð sem kviknar hjá manni þegar öllu þessu er troðið ofan í mann með þvílíku offorsi að maður veit bara ekki hverju á að trúa og treysta.

Ég var á leið heim úr vinnu í kvöld og var allt eins og vanalega í fjölþjóðasamfélaginu Köbenhavn þegar ég hoppa inní strætóinn minn. Eftir að hafa setið af mér 5 biðstöðvar og 10 voru eftir kemur inn ungur maður. Í fyrstu pældi ég ekkert í þessu enda vanur öllum ólíku þjóðernunum sem hér eru. En svo læddist að mér þessi hrollvekjandi klisja: Þessi er greinilega strangtrúaður múslimi, með skeggið og allt. Svo tók við útmæling á taujinu: já, ok hann er örugglega frekar fátækur, og: hann hefur ekkert til þess að lifa fyrir, örugglega mjög reiður útí samfélagið!
Á þessari stundu varð ég hræddur, virkilega hræddur. Ég trúði því að þessi maður gæti allt eins verið með sprengju, og hyggðist nota hana.
Ég var hræddur eins og flughræddir trúa því að þetta er flugið mitt sem hrapar. Ég fór að velta fyrir mér öllum í vagninum og pældi mikið í því hvort þetta væri fólk sem mætti missa sig, í augum hryðjuverkamannsins sem sat tveimur röðum fyrir aftan mig.
- ætti ég að færa mig framar?
Ég fór í alvörunni að pæla í hvort þetta væri rökrétt fórn...
-hvaða dagur er í dag?
-hvaða hverfi erum við að koma í núna?
...Nei, ef það væri sprengja, hugsaði ég til að róa mig, þá væri það pottþétt um miðjan dag á annatíma í miðbænum. já, pottþétt... mér varð ekki rótt.
Eins og það sé e-ð rökrétt við allt þetta fíaskó. Þetta er jú ekkert annað en eitt stórt Fíaskó, með fullri virðingu fyrir fórnalömbunum.
Það var svo á 11. stoppi sem ungi maðurinn skundaði útúr strætó að ég andaði léttar.
Án gríns, er þetta eðlilegt???

En þetta er einmitt málið, ég hef aldrei nokkurn tíma hugsað svona áður þetta kom bara eins og þruma úr heiðskýru.
Ímyndið ykkur nú alla þá sem láta sér detta svonalagað í hug, og hvað þá hræðast þetta meir heldur en mannýgt naut sem stendur fyrir framan það.

Ég vil biðja ykkur að látast ekki stjórnast af nútíma miðlum sem reknir eru af valdagráðugum mönnum vestanhafs (þaðan koma jú langflestar erlendar fréttir til okkar á minni eyjunum) og notist við gagnrýna hugsun!

Þess óskar ykkar einlægi og bara mannlegi
Eðvarð Atli

Gleðilegt nýtt ár...

2008-01-03T22:27:00.000+01:00

...og takk fyrir það gamla!

Nú erum við komin heim til DK eftir alveg yndislega ferð heim til IS og hefst þá aftur bloggtíð. Gafst ekki mikill tími til bloggs vegna þétt setinnra dagskrá með fjölskyldu og vinum.

Byrjum bara á því mikilvægasta:

Það er sko satt sem þeir segja að það er gott að eiga góða að.
Við erum svo þakklát og glöð eftir ferðina því aðra eins gestrisni og annað eins örlæti og okkur var veitt er svo miklu miklu meir en hægt er að vænta. Allir voru tilbúnir að hýsa okkur eða fæða, eða bæði.
Einnig vil ég bæta við að gleðin í kringum Lovísu er himnesk og það er blessun að upplifa þetta með ykkur öllu góða fólkinu.
Ég get eiginlega ekki skrifað hvernig mér líður en Gleði og Kærleikur eru fyrstu orðin sem mér dettur í hug og ætla ég að láta það nægja.

Ég mun svo setja inn myndir á komandi dögum og svo var líka hellingur tekið á vélina hjá mömmu og pabba.

Þúsund þakkir og kossar
með ástarkveðju
Ebbi, Gunnella og Lovísa Margrét

Erum á íslandi!!

2007-12-17T23:41:00.000+01:00

Ef ykkur langar til að ná í okkur þá getiði hringt í síma: 421-7099 hjá mömmu minni eða 421-1136 sem er síminn hjá Tengdó. Hjá þeim getið þið fengið upplýsingar um hvar við erum þá stundina.
Annars er planið að fá sér frelsi og þá set ég inn þau símanr.

Ekki vera feimin, hringið bara ;)

3 dagar :)

2007-12-12T12:04:00.000+01:00

Já það hefur margt skemmtilegt gerst síðustu daga.

Elsku pabbi minn kom á laugardaginn, Lovísa var svo glöð að fá fleiri gesti. Hún var samt ekki alveg að skilja afhverju hann væri líka kallaður afi þegar afi Biggi er nýbúin að vera hjá okkur. En hún tók honum með opnum örmum og lét það ekki trufla sig frekar að hann væri líka kallaður afi (enda segir hún alltaf afa)

Ég átti svo að vera mætt á jólaskemmtunina upp í skóla kl:17
Ég mætti að sjálfsögðu "moderigtig" eða tískulega seint í boðið, eða kl 17.45, en það gerði ekkert til því danir eru óstundvísasta fólk sem ég hef kynnst.
Eftir að hafa drukkið fordrikk og hlustað á nokkur söngatriði var komið að matnum. Það var danskt jólahlaðborð, ekki alveg minn diskur en ég gat nú fundið mér eitthvað.
Eftir einn disk og 2 sopa af rauðvíni fann ég að ég var orðin eitthvað skrýtin í maganum, ákvað ég því að láta kjurt liggja og borðaði ekki meira og lét það vera að drekka. Sat bara eins og draugur á stólnum mínum .
Þegar ég gat ekki lengur haldið andliti ákvað ég að fara niður þar sem eldhúsið, salernin og einn salur er.

Ég lagðist á dýnu inn í sal og ætlaði að ath hvort verkurinn færi ekki, en ekki varð svo. Ég fann bara hvernig allt snérist við í maganum og mér varð óglatt.
OG svo bara 1,2 og 3, shit ég þarf að gubba. Í stress kassti reyndi ég að standa upp en var búin að festa kjólinn í skónum.
Náði loks að kippa skónum af mér og skunda út úr salnum.
Á leið minni að eldhúsvasknum gubbaði ég yfir allt eldhúsgólfið, og svo hélt þetta bara áfram og áfram og áfram allt kvöldið, líka þegar ég loksins komst heim og um nóttina!

Já ég fékk semsagt gubbupest og varð ekkert af Maríu Karrý!

Oooggg ég sem var meira að segja búin að lakka á mér táneglurnar!! aarrrggg ég er svo óheppin.
Æ en þetta var skemmtilegt kvöld, alveg þangað til að jeg brækkede mig (gubbaði)

Já en við mæðgur erum að koma eftir 3. daga :)
hlakka til að sjá ykkur

KLAPPI KLAPPI KLAPP

2007-12-05T20:36:00.000+01:00

Veeiiii, ég er búin með fyrstu önnina mína í skólanum:)

Í dag vorum við að sýna afrakstur vetrarins. (Acting sem ég er í og svo 1. ár saman) Við byrjuðum á því að sýna dans sem við höfum verið að vinna að í vetur, áhorfendur voru allir nemendur skólans, kennarar og skólastjóri.
Eftir sýninguna fengum við svo að heyra það frá kennaranum "einkunn" hvernig okkur hefur gengið í vetur. Ég fékk að heyra það að ég væri mjög góður dansari og að henni hafi þótt leiðinlegt fyrir mína hönd hversu lítið ég hefði fengið út úr kennslunni því ég væri svo langt á undan öllum hinum í bekknum.
Frá áhorfendum fékk ég svo að heyra að ég hefði verið áberandi best, svo tignarleg og "dansaraleg" ;) hehehe æ greyið hinir, ekki sangjarnt að miða við mig sem er með 9 ár að baki.
En verð að viðurkenna að það var voða gaman að dansa aftur fyrir framan áhorfendur og ekki er verra að fá svona hrós eftirá.

Svo var komið að því að sýna verk sem við í acting sömdum sjálfar.
Það var svona eins og gamaldags bíómynd, ekkert tal bara tónlist og ofleikur. Grínleikrit sem fékk salinn til að liggja í gólfinu úr hlátri:)
jæja ok kanski ekki alveg en það hlóu margir mjög mikið;)

Kennarinn var mjög ánægður með okkur og sagði hann við mig að leikgleðin hafi skinið úr andliti mínu og að ég hafi verið "skidt go" eða drullu góð á íslensku. Hann ætlar svo að taka okkur í einstaklingsviðtöl í vikunni, þá fáum við að heyra almennilega hvað hann hefur að segja um okkur og veturinn.

En jæja Ebbi minn er komin heim með ilmandi Kebab og ætla ég að fara og gúffa honum í mig.
kisses

Og hann er, alveg ofboðslega Frægur...

2007-12-04T21:08:00.000+01:00

Verð að segja ykkur frá því í hverju ég lenti í dag!!!

Ég var á leið minni í skólann og ákvað að labba meðfram söene, það var fallegt veður og endurnar voru glaðar. Ég var bara að hugsa um það eitt að drífa mig svo ég myndi ekki mæta of seint, þegar það kemur maður labbandi á móti mér.
Hann var hávaxinn, góðlegur og í mjög flottum gallabuxum. Hann var í leðurjakka og reiddi þetta svakalega hjól. Hár hans var sítt, dökkt og mjög krullað, maður sá samt að hann var með mjög fíngert hár.
Ég kannaðist strax við manninn svo ég starði á hann til að sjá betur hver hann væri. Hann brosti þá góðlega til mín og kinnkaði kolli.

Eftir 2-4 skref fékk ég sjokk, omg þetta var einhver frægur en ég gat ekki komið því fyrir mér hver hann var nákvæmlega.

Ég hringdi í Ebba og sagði honum frá þessu, á því augnabliki var ég viss um að þetta væri gítarleikarinn í KISS.

Veit ekki afhverju því ég þekki engan úr KISS.
Ebbi spurði þá hvort þetta gæti hafa verið Alice Cooper því hann var að spila hérna um helgina, en ég vissi að þetta var ekki hann.

Eftir skóla fór ég að hitta tengdó og ræddi þetta við Bigga, ég var þá alveg viss um að þetta væri Breti, í frægri hóp hljómsveit, spilaði á gítar og að ég ætti að vita hver þetta væri.
Ég mundi svo skyndilega að ég hafði séð þennan mann í heimildarmynd, en líka að heimildarmyndin væri ekki um hljómsveitina heldur sérstakan mann.... hmm hugsaði ég, var það Elton?.. Nei hver var það aftur.. AAAhh og það rann upp fyrir mér ljós og ég varð heit í framan og langaði mest til að öskra!!!

Heimildarmyndin var um Freddie Mercuri og Þetta var
Brian May!!
Takk fyrir Takk

:) Varð strax jafn vandræðaleg og ég var glöð því Queen er ein af mínum uppáhalds hljómsveitum og ég trúði því ekki að ég hefði ekki þekkt manninn.
Varð svo strax fúl því ef ég hefði kveikt á perunni strax (með hjálp frá Bigga) en ekki 3 tímum seinna þá hefði ég stokkið á hann og beðið um eiginhandaráritun, eða bara kysst hann heheh ;)

Hver Prumpaði???

2007-11-27T23:41:00.000+01:00

Takið eftir svipnum á drollunni...

Arcade Fire...

2007-11-27T23:34:00.000+01:00

...eru föst í huga mínum síðan ég fór á tónleikana, sælla minninga.

En hér sýna þau á sér enn aðra hliðina í snilligáfu, ég er alveg gagntekinn.
Skylduáhorf fyrir tónlistar-, myndbanda- og vefsíðuunnendur, já og ykkur öll bara!
(sjáðu hvað gerist þegar að þú klikkar á ákveðna staði... eða ekki)

Góðar stundir...
Ebz

21 dagur í heimkomu :)

2007-11-24T10:21:00.000+01:00

Það er annars ekkert að frétta of okkur.

Lovísa er enn lasin, eða síðan á sunnudag og erum við alveg að klepra á inniverunni!
Fór með hana til læknis því hún er búin að vera með svo ljótan hósta en það er ekkert hægt að gera við honum annað en kamomilla með hunangi.

Jú tók reyndar eftir því í gær að báðar neðri augntennurnar eru komnar upp og þýðir það að skvísan er komin með 14 tennur og ein augntönn í efrigóm á leiðinni.
Hún er líka búin að vera slefandi eins og hundur og reynir að bíta allt og alla, hey hún er kanski bara með hundaveikina...HA held ég ætti að gerast læknir.

En jæja nú fer að koma að gesta tímabilinu, Gréta mágkona kemur á Þri og verður hjá okkur til 4. des og tengdó koma á Fim og verða (reyndar á hóteli) til 4. des. Svo kemur minn elskulegi faðir 4. des og förum við mæðgur svo til baka með honum til ísl. 15. des.

Ég var í söngtíma á fimm. og fékk ég að vita að lokaverkefni mitt fyrir þessa önn verður að syngja jólalag "Maríu Karrý" All i want for christmas is you musicbox.sonybmg.com/videos/mariah-carey/all-i-want-for-christmas-is-you
Þetta þarf ég að flytja fyrir framan kennara, nemendur, maka og einhverja á jólahátíðinni í skólanum þann 8. des.
Ég er smá stressuð yfir þessu því þetta er svolítið erfitt lag, en ég er búin að ákveða að syngja það með hjálp frá tvemur strákum í rauðum g-streng með jólasveinahúfur og jóla bjöllur. Svona til að fá smá fjör í þetta:)

en jæja Lovísa er ekki alveg að gúddera að mamma sé bara að hanga í tölvunni svo ég ætla að hætta núna.

Af Ebba er ekkert að frétta annað að hann er að vinna alla helgina, vúhú

k.v. Gunnella

..með orðm i eyðanu

2007-11-20T21:29:00.000+01:00

.. Ebbi á þessa frægu settningu frá því hann var lítill lasinn strákur!

En nú vill svo til að hún Lovísa Margrét er lasin, hún er búin að vera með hita, hor í nös, sokkin augu og slæman hósta sem fylgir lítil rám rödd. Æ hún á svo bágt greyið, en það fylgir því víst að byrja á leikskóla að veikjast.

Ég verð að láta það fylgja í þessari færslu að kvíði minn yfir lærdómnum var óþarfur.
Ég átti í engum vandræðun með að læra textann og var ég "reyndar" (svona svo ég monti mig aðeins,uhum) sú eina í bekknum sem náði því ;) ohh ég er svo stolt.

Gæti montað mig aðeins meira, og farið að tala um hversu vel mér gekk svo að leika einleikinn. Já og að kennarinn hafi sagt eftir seinustu umferðina mína "stelpur svona á að gera þetta" hehhe en ég ætla ekkert að vera að því.
Maður vill nú ekki líta út fyrir að vera einhver MONTRASS :)

En ég var spurð að því í dag, hvað væri fyrsta íslenska jólalagið sem poppaði upp í hausnum á mér. Og eftir svona 3 mín heiladauða þögn byrjaði tungan í mér að hreyfast og út kom " snjókorn falla á allt og alla..." var svo eftirá piss fúl yfir að muna ekki eitt einasta ísl. jólalag.
Mig langar því að byðja ykkur kæru vinir að commenta fyrsta jólalagið sem poppar upp í ykkar kláru kollum.

Jæja held nú að súkkulaðisósan sem ég er að búa mér til sé tilbúin svo ég ætla að fara og dreifa henni yfir vanillu ísinn sem ég á inni í ískáp:Þ hllljúp.

Svona er lífið í köben, Ebbi á handbolta æfingu og ég að verðlauna bragðlaukana með því að refsa ristilnum.... eða eitthvað

munið jólalagið
love and kisses

p.s. Áfram ísland á morgun!!! meika ekki að mæta í skólann sem eini Lúserinn, hehhe

Who put the goat in there?

2007-11-18T13:52:00.000+01:00

Ég hef ekki séð aðra eins vitleysu og þvílíkt rugl í langann tíma,
og ég hef heldur ekki hlegið svona svakalega í jafnlangann tíma!!!

verð að taka það fram að þarna er ekki um þýðingu að ræða.

Gjöriði svo vel :-) (ýtið á broskarlinn)

Kær Kveðja:
Benny Lava

2007-11-14T16:22:00.000+01:00

Það er svo margt sem ég gæti sagt, en veit ekki hvar ég á að byrja...
...svo ég byrja bara á deginum í dag.

Við Lovísa fórum í fyrsta skipti saman á hjólinu í morgun, og verð ég að segja að loksins þegar ég var búin að fá smá vöðva og byggja upp þol þá bætast 13 syngjandi og sí bablandi kíló aftan á hjólið;)
Já henni fannst geggjað að vera á fína rauða hjólinu hennar mömmu með fína Bangsimon hjálminn sinn.
Ég skutlaði henni í leikskólann þar sem hún gekk inn með bros á vör án þess að líta við og kvaddi hún varla mömmu sína því svo mikill var spenningurinn. Hún er semsagt alsæl og höfum við ekki enn fundið neitt til að kvarta yfir.

Ég hjólaði svo í skólann minn sem er "bæ þe vei " bara handan við hornið og átti þar góðan dag.
Byrjaði á að fara í dans frá 10-12.45 ( já pústiði bara) svo var " Stemma training" eða raddþjálfun eins og það heitir á íslensku.
Síðasti tíminn minn í dag var svo DRAMA, en það er einnig sá tími sem við erum oftast í og er kennarinn okkar þar einnig umsjónarkennarinn.
Við fengum afhentan texta sem við eigum að læra fyrir mánudaginn. Fjórar stelpur úr bekknum fengu senu sem þær eiga að leika saman 2 og 2. Þær þurfa að læra hana alveg utanaf svo þær geti leikið það á mán. Svo vorum við tvær sem fengum mónóloga, en það er fyrir þá sem ekki til þekkja , einleikur. Við þurfum líka að læra hann alveg utanaf fyrir mán.
Hin stelpan sem fékk líka einleik leit á blaðið sitt og var nokkuð sátt, rúmlega hálft blað. Hún leit svo á mitt blað og kom á hana súr svipur, heilt blað!!
OOGG hún sagði: bíddu fyrirgefðu, afhverju fær hún mest? Hún talar ekki dönsku! Á hún ekki að fá mitt blað
Kennari: Nei þetta er bara svona, og hún getur þetta alveg
Ég : hahhhahhahhahha er þetta grín ( nei ég sagði ekkert, brosti bara ) Var reyndar alveg að springa inní mér. Þetta er rosa traust sem maðurinn hefur á mér!! Veit ekki einusinni hvort ég gæti þetta á íslensku.
En þetta þýðir bara að ég verð inni alla helgina að tala við sjálfa mig!!

En ég er er búin að komast að því síðustu daga að ég er í alvöru í Háskóla... DRAMA Háskóla
Þetta er svo fyndið, heill skóli af athyglissjúkum DRAMA drottningum. Þar sem allir eru vinir á meðan þeir berjast um besta bitann.

Já en þarna á ég víst heima svo ég ætla ekki að segja mikið;)

Er orðin voða spennt að koma heim um jólin og það fer að koma að því að ég telji niður dagana. En ekki alveg strax, það er of snemmt.
Hlakka svo til að knúsa alla, fara í bað og nuddpottana. Anda að mér íslensku lofti og borða fullt fullt fullt af góðu Nóa Siríus konfekti. Einnig hlakka ég til að fá gott kaffi án þess að borga 500 milljónir fyrir það.

Elska ykkur
kv. Gunnella

p.s. Bílinn okkar er enn til sölu og fæst næstum fyrir hvað sem er...já, eða í kringum milljón. Það er sett á hann milljón og fimmtíu. Endilega auglýsið það fyrir okkur, verðum að losna við hann sem fyrst!
Svo verður íbúðin okkar leigð út á ný frá og með 1. feb

Úti er alltaf að snjóa...

2007-11-12T09:44:00.000+01:00

Ég get ekki annað sagt en að við höfum það fínt! (þar hafiði það)

Annars er það að frétta að Lovísu gengur bara vel á leikskólanum, svona bara eins og krökkum gengur hugsa ég. (Gunnella ætlar e-ð að segja meira frá því)

Ég tala dönsku... sæmilega (á minn mælikvarða en svo veit maður aldrei hvernig aðrir heyra í manni) En það er allaveganna meira en margir kennarar hefðu gefið mér í grunnskóla ;)
Það er alveg svakalegt að þjálfa heilann í því að draga fram réttu orðin á réttum tíma. Kannski hægt að líkja þessi við klónna (eins og var á BSÍ td) sem maður reynir að ná upp bangsa, úr og annað slíkt með, það gengur ekki alltaf eins og maður vill.
Svo auðvitað er það þannig að maður hugsar fyrst á íslensku, svo ensku, sænsku, ítölsku (þá missir maður þráðinn) og aftur á ísl. og svo loksins á dönsku... en þá er kúnninn oftast farinn!

Nei nei ég held að ég sé alveg furðu góður miðað við að hafa aldrei lært dönsku, það skilja mig allaveganna flestir og ég er að selja- það er byrjunin og svo batnar talið með degi hverjum.

En í gær tók ég mig til og fékk lánuð verkfæri hjá nágranna okkar til að ljúka við uppsetningu á hjólastólnum (barnastóllinn aftan á hjólið). Ég kláraði þetta mjög sáttur við sjálfan mig og lífið, Lovísa settist í með hjálminn sinn jafnvel enn sáttari og allt var klárt.
Svo þegar ég fer út með hjólið, jebbs, þá snjóaði... ÆÐI! (kaldhæðni)
Er þetta ekki alveg týbískt ég??? (endilega kommentið þið sem eruð ósammála!)
Þannig að nú í morgun þurftu stelpurnar að taka strætóinn í leikskólann á meðan hjólið svaf í rekkannum flaggandi flottasta hjólastólnum á kaupmannahafnarsvæðinu.

Jájá, svona er þetta. Annars er bara allt gott hjá okkur þó okkur sé farið að hlakka alveg rosalega til að fá Mömmu, Pabba og Grétu systir hingað í lok nóvember, svo ekki sé talað um Jólin.
ohh Jólin verða góð á íslandi; maturinn, fjölskyldan, vinirnir, maturinn, konfektið og Maltið ;)

Bestu kveðjur úr Jólasnjónum
Eðvarð Atli málHalti

Nýtt, Nýtt, Nýtt

2007-11-11T21:10:00.000+01:00

Ég er búinn að setja inn nýjar myndir og myndskeið

Vonandi hafiði gaman af þessu og svo kemur fjölskyldufærsla í fyrramálið

Góðar stundir og lifið heil
Ebz

"Vilt þú ekki þegja?"

2007-11-11T09:57:00.000+01:00

Bara ef fleiri sæu að sér og töluðu hreint út og snuðrulaust líkt og þessir ólíku menn gerðu!

Ef menn eru bara að tjá sitt og fara kannski yfir strikið þarf bara að segja þeim það!

Eins og Pólitík á að vera...
frétt frá MBL.is

kv Eduardo Suave

Samkeppni

2007-11-10T08:58:00.000+01:00

...hvað er málið með hárið á Degi B. Eggertssyni?

Hann var næstum því búinn að slá út Dabba með að verða yngstur borgarstjóri. Ætlar hann því núna að slá þann gamla út í hár"prýði"?

...mér er spurn.

getið líka séð hann í þessu viðtali, ...þetta er svakalegt!

kv. Ebbi

Arcade Fire

2007-11-07T23:44:00.000+01:00

Jeeeeeeesss!

Ef ég ætti að gefa dögum sem enda með óvæntu tvisti þá fær þessi 10,3.
Þannig var að þessi dagur byrjaði eins og allir hinir. Ég fór svo í vinnuna kl 12 og var búinn að vinna í 2 tíma þegar ég heyrði í Jóa og tjáir hann mér það að hann sé með auka miða á Arcade Fire.... fyrir mig!!!

Ég var sko löngu búinn að athuga hvort miðar fengust, en það var jú uppselt. Þetta eru einir af þessum sem ég vildi alls ekki missa af, en ég var Búinn að sætta mig við að fara ekki í þetta sinn.

Ég var mjög þakklátur þessu en ég vildi ekki bara segja já og fara með einungis 6 tíma fyrirvara og stelpurnar óaðspurðar svo ég reyndi en án árangurs að ná í Gunnellu þannig að ég hringdi bara í Jóa og tók miðanum.

Fór svo aftur að vinna ólmur og eftirvæntingin var mikil. Eftir nokkurn tíma fæ ég SMS frá Jóa og það voru slæmar fréttir: miðinn var farinn til einhvurs annars meðan ég beið eftir að fá svar frá Gunnellu (Hún sagði by the way "já farðu!").
Jæja OK ég var nú ekkert ónýtur enda ekkert búinn að plana þetta og sá þá bara fyrir mér elskulega stund með minni heitt elskuðu.
Nei nei hringir ekki vinnusíminn eftir einhverja stund og samstarfsstúlka svarar, og mér til mikillar furðu var síminn til mín(?). Það var Gunnella og hún segir mér að Jói sé að reyna að ná í mig. Ég hringi og hvað haldiði, Jú kallinn reddaði bara öðrum miða...HAHH!! jeg bleiv svo mikið lykklig að þið trúið því ekki... það var bara aðeins of mikið.

Þannig að eftir vinnu fór ég bara í KB Hallen á þessa Svakalegu tónleika. Þetta var algert yndi, augnakonfekt jafnt sem eyrna. Þetta eru sko Performerar með stóru P!
Öll skiptust þau á hljóðfærum og voru fær á þeim öllum. Svo var ekki slæmt útlítandi sviðið (gefur kannski þeim sem ekki til þekkja smá vísbendingu að seinasta plata heitir Neon Bible)

Lögin sem þau spiluðu voru þessi nýjustu sem eru skotheld tónleikalög og svo tvö óútgefin. En þau áttu líka besta cover lagið, Þau tóku Kiss Off með Violent Femmes og það með söngvarann á Orgelinu (með stórum staf og greini) ...geggjað!
(setlistin kemur hérna)

Já það var mikið dansað, klappað og vú-að. Virkilega ánægjulegir tónleikar og ekki slæmt að fá þetta svona óvænt.
Þakkir til Ingunnar og Braga með milliliðinn hann Jóa

Hér sjáiði svo No Cars Go og Coverlagið Kiss Off

Good times!
Ebenezer

Á leikskóla er gaman...

2007-11-05T08:34:00.000+01:00

Jæja, þá er stóra stundin runnin upp. Lovísa Margrét er ekki lengur lítil stúlka heimafyrir heldur er hún orðin stór stelpa á leikskóla!

Já mikið rétt. Lovísa byrjaði í leikskólanum á fimmtudaginn seinasta. Gunnella fór með hana í aðlögun þann daginn en svo fór ég með Lovísu á föstudeginum. Við komum kl 9:00 og þá var morgunkaffi þar sem við sátum bara með hinum krökkunum (takið eftir að ég tala um mig sem einn af krökkunum ; )) og átum smjör með brauði á, hehe.
Svo fóru bara allir að leika sér og Lovísa Margrét fann sér eitthvað dót og var bara sallaróleg á meðan sum barnanna gerðu uppreisn!
Hún virðist vera sjálfum sér nóg en er samt auðvitað félagsvera og vinaleg þannig að þegar hún vill leika við einhverja þá er það ekkert mál heldur.
En ég sá það á þessu að það hefði ekki breytt neinu hvort ég hefði farið strax eftir kaffið eða verið þarna, hún var ekkert að taka eftir mér enda nóg annað nýtt til að hafa gaman af.
Við þurftum svo reyndar að fara kl 10:00 því það var einhver graskershátíð og starfsmaður veikur þannig að það hefði verið of mikið kaos.

Svo um helgina þá fóru þær mæðgur í mat með Svanhildi til Arnar Inga og Elínar (sem eru vinir hennar og kunningjar mínir úr FB, gott fólk það) Þar fengu þær þennan fína mat og Lovísu var bara skaffaður stóll og allt til alls þannig að þetta var ekkert mál. Svo þegar líða tók á kvöldið og háttatími kominn á lilluna þá voru bara fundin til náttföt og Lovísa sofnaði bara þarna, svo komu þær bara heim seinna um kvöldið eftir ánægjulegar stundir. Takk fyrir allt krakkar.

En ég átti líka minn áfanga hér á fimmtudaginn líkt og Lovísa er ég byrjaði að vinna í Blend í verslunarmiðstöðinni Fields Þetta var öðruvísi en auðvitað mjög skemmtilegt og já svoldið öðruvísi ;) Ég þarf náttúrulega að tala dönsku, sem er kannski ekki alveg komin hjá kallinum en ég er kaldur kall og ófeiminn þannig að þetta kemur fljótt. Ég finn alveg strax mun eftir að hafa unnið einungis tvo daga (fimmtud. og lau.d.)
Þannig að nú er ekkert bara Strikið hjá ykkur kaupóðu íslendingunum heldur líka Fields, þó það sé ekki nema bara til að segja Hej!

Jæja fínt í bili, stelpurnar eru farnar í skólann og ég fer að vinna kl 12 (til 20)
Þangað til næst...

Helgin sem leið... (annar hluti (lesið fyrri hlutann fyrst))

2007-10-30T18:09:00.000+01:00

...var fín.

Eins og Gunnella var búin að tala um var þetta konuhelgi og þar sem ég er ekki kona og Lovísa enn bara lítil stúlka þá vorum við feðginin bara heima.
..nei við fengum nú aðeins að hitta þær og það var rosalega gaman.

Annars var þetta afar löng helgi fyrir mig. Ég var frekar einmanna þegar Lovísa var sofnuð en sjónvarpið mitt stóð auðvitað með mér í gegnum þetta allt. Ég get alltaf stólað á sjónvarpið. Þó það sýni mér bara danskar heimildarmyndir og gamlar B myndir (eins og Crocodile Dundee in L.A) þá get ég allaveganna flett með fjarstýringunni og lært dönsku með hjálp dönsku textans.
...ætti eiginlega að skipta um titil á færslunni: ÓÐUR TIL SJÓNVARPSINS!
nei nei held ég sleppi því.

Ég vaknaði svo í gærmorgunn og tók þá blákaldur veruleikinn við.... Rigning og kuldi í Köben og ég þurfti líkt og aðra daga að dunda mér með Lovísu, læra dönsku (sem er leikur einn eftir að yndislega, sæta, fyndna, skemmtilega og gáfaða systir mín gaf mér æðislega góða hlustunar- og verkefnabók. Jeg holder meget af dig Gréta!), versla í Nettó, elda, svæfa Lovísu og horfa á 1. þátt í 3 seríu af Prison Break. (Vill samt taka það fram fyrir Gunnellu að ég geri ekki allt , hhehhee svona til að halda friðinn á heimilinu;) )

Jæja yndin mín ég kveð í bili
hmmm, hvað er í sjónvarpinu... ok, Road House með Patric Swayze
...Good times!

Helgin sem leið... (fyrri hluti)

2007-10-30T16:55:00.000+01:00

...var alveg CRAZY!!!

Helgin byrjaði á því að við fjölskyldan fórum upp úr hádegi niður í bæ á hotel Ascout. Á móti okkur tóku 9 " mjög svo hressar" konur sem allar eru skyldar mér á einn eða annan hátt:)
Við áttum von á því að Lovísa yrði yfir sig hrifin af þessum fallegu konum en annað kom í ljós. Hún var greyið skíthrædd við allan þann hávaða sem þeim fylgdi og var ekki alveg á því að leyfa þeim öllum að stökkva á sig og knúsa.
Ebbi fór þá bara með hana heim. Daginn eftir hitti hún þær eina og eina í einu og var þetta ekkert mál eftir það. Henni þótti ekki leiðinlegt að hafa alla þessa athygli og þótti henni sérstaklega gaman að fá þær allar í heimsókn heim til sín síðasta daginn.

Ég er ekki alveg á því að skrifa 4. daga skemmtun niður í smáatriðum, en ég skal segja ykkur það að mikið var drukkið, borðað af góðum mat, sungið, dansað, verslað og allra mest hlegið!
Ég vil þakka þessum yndislegu konum fyrir frábæra helgi. Einnig vil ég þakka fyrir allt sem þær fyrir mig gerðu og fyrir það sem þær mér gáfu;) Takk enn og aftur elskurnar

Helgin endaði svo á því að þær komu allar á sunnudeginum í heimsókn í kotið. Mannskapurinn var frekar tussulegur svo var ekkert annað í boði en að draga út svefnsófann og auka sængurnar svo þær gætu hvílt sig fyrir ferðalagið heim.

Ég vaknaði svo í gærmorgun og tók þá blákaldur veruleikinn við.... Rigning og kuldi í Köben og ég þurfti líkt og aðra daga að hjóla í skólann, versla í Nettó, elda, svæfa Lovísu og horfa á 1. þátt í 3 seríu af prison break. ( Vill samt taka það fram fyrir Ebba að ég geri ekki allt , hhehhee svona til að halda friðinn á heimilinu;)

love Gudda
e.s myndirnar frá helginni eru komnar inná myndasíðuna

The Simpsons...

2007-10-25T10:49:00.000+02:00

hehe ég fann þetta á einhverju vafri:

simpsonize me

hér sjáiði svo fjölskylduna:

kveðjur úr Springfield
Ebbi Simpson

Blúbbs Blúbb...

2007-10-21T20:36:00.000+02:00

Mikið var nú gaman hjá okkur í gær. Við fórum nefninlega á sædýrasafn hér rétt fyrir utan Kaupmannahöfn þar sem Halldóra vinkona er að vinna.

Við fórum fyrst að hreyfa við hafdýrin (rör ved hafdyr) og það var mjög spennandi. Lovísu fannst mjög gaman að þarna væri vatn og e-ð að synda í því en hún vildi nú ekki snerta þessi ókunnu dýr. Þarna voru krabbar, stjörnufiskar, rauðsprettur, kolar og nokkrir aðrir smáfiskar ásamt rækjum og ígulkerjum svo e-ð sé nefnt.

Svo fórum við upp að kíkja á alla furðufiskana frá hinum ýmsu löndum í fiskabúrunum.
Þarna voru allskonar fiskar og fyrst þegar við komum þarna inn varð Lovísa alveg yfir sig hrifin að litlu litríku fiskunum. En þarna voru líka rosalega stórir fiskar og þegar hún sá þá ríghélt hún í mig, varð smá smeyk. (enda voru fiskarnir jafnstórir og hún!)

Svo voru aðeins stærri fiskabúr og þar voru, haldið ykkur fast... Krókódílar, Hákarlar og Pýranafiskar!!!
Þar var Gunnella eiginlega hræddari en Lovísa (ekki segja henni að ég hafi sagt ykkur þetta!)

Eftir að við vorum búin að skoða allt þá var Halldóra svo góð að leyfa okkur að kíkja á bakvið tjöldin, e-ð sem hinn almenni borgari fær ekki að gera ;)
Við fórum um þrönga ganga og sáum ofaní fiskabúrin, ekkert gler á milli. Auðvitað kíktum við á Hákarlana og Krókódílana og svo fengum við líka að koma við Kolkrabba (eða ég öllu heldur) það var mjög áhugavert, svakalegur sogkraftur í þessum dýrum!

En allaveganna þá var þetta rosalega skemmtilegur dagur og alveg ný upplifun fyrir Lovísu.
Við þökkum Halldóru alveg rosalega vel fyrir!

Ég er svo auðvitað búinn að setja inn myndir, og video af þessu öllu saman. og hér er smá sýnishorn:
Lovísa, Gunnella og Halldóra Dýralæknir

Mjööög áhugavert!

Bless í bili:
Ebbi Nebbi feiti í Kaupmannahöfn

Hið ljúfa (leti)líf

2007-10-19T23:51:00.000+02:00

Leti, leti, leti... Já get ekki sagt að við séum búin að gera mikið síðustu daga.
Ég er í vetrarfríi þessa vikuna svo lífið er búið að vera ansi ljúft hjá okkur. Við höfum þó aðeins náð að klára leiðinlega pappírsvinnu á leiðinlegum bæjarskrifstofum en það vita allir að slíku er best af lokið.
Það verður samt gaman að byrja aftur í skólanum, er alveg búin að fá nóg af letilífi.

Lovísa er alltaf jafn hress og stækkar ótrúlega hratt. Hún kemur með gullkorn á hverjum degi og finnst okkur Ebba fátt skemmtilegra en að dást af henni;)
Hún er núna hætt með pelann og var það ekkert mál, hún er svo dugleg þessi elska.
Ég er alveg með bömmer þessa dagana að hafa tekið hana út frá ykkur öllum. Finnst svo leiðinlegt að þið séuð að missa af þessu kraftaverki! (einmitt já, strá smá salti í sárið)Sorry!

En á léttari nótum get ég sagt ykkur að minn elskulegi faðir er búin að kaupa far fyrir okkur skvísurnar(takk pabbi) heim til íslands þann 15.des og Ebbi er búin að kaupa far heim 23.des. Erum svo að safna fyrir farinu heim til dk. hehhe... erum þó búin að ákveða að við förum aftur til dk. 2. Janúar.
Hlakka svo til að hitta alla og hafa það kósý yfir hátíðirnar.

Talandi um að hlakka til þá verð ég að segja frá því að mamma, amma, Alda, Hafdís, held Eygló, Jóga og Alda stóra og já einnig Linda frænka eru allar að koma í skvísuferð á fimmtudaginn og er ég að springa úr tilhlökkun!!
Stelpur þetta verður stuð;)

Ég mun koma til með að segja frá þessari ferð að henni lokinni.

En nú er komin háttatími hjá gömlu, hehhe
kossar og knús
Gunnella

Takk fyrir mig...

2007-10-14T13:10:00.000+02:00

Ég vil byrja á að þakka fyrir allar kveðjurnar og afmælissöngvana sem léttu mér lundina á afmælisdaginn, þó svo að nokkrar hafi dregist fram á laugardag. (það er náttúrulega tímamunurinn)

Við feðginin höfðum kíkt í skólann til Halldóru fyrr um daginn og var hún svo yndisleg að færa mér gjöf. Eftir það hittum við Sveinbjörn og fórum heim á næturgalavegin. Þar höfðum við það notalegt.
Það var nú engin megaveisla en við fengum góða gesti um kvöldið, Elfu og Einar frá Þýskalandi (komu bara til að heiðra mig auðvitað...hehemm!) og svo auðvitað Halldóru og Sveinbjörn. Við sátum bara og ræddum um aðskilnað ríkis og kirkju o.þ.h

tikk og TAKK
ebbzen

Góður Dagur

2007-10-12T09:25:00.000+02:00

Ó já! Það var virkilega gott að vakna í morgun (alls ekkert erfitt, miðað við aldur).
Þessar yndislegu stúlkur mínar vöktu mig með værum kossi og söng, færandi gjafir. Einn frá Lovísu og annann frá Gunnellu.
Ég og Lovísa Margrét opnuðum pakkann frá henni saman og hún var held ég spenntari en ég, það var alveg Vá, vá, VÁÁ...

En allaveganna þá líður mér vel á þessum, sem virðist ætla að vera, Fallega degi.
Ég og Lovísa eigum eftir að finna okkur e-ð að gera í dag en svo kemur Gunnella heim uppúr 5 og þá er bara góður matur og gleðistund.

Allir sem vilja kíkja í kaffi seinnipartinn eru velkomnir en annars eru það bara rafrænir kossar!

Bestu hátíðarkveðjur:
Ebbi

e.s: Til hamigju Spánn

Nýtt, Nýtt

2007-10-09T08:42:00.000+02:00

Ég var að setja inn ný myndbönd af Lovísu þar sem hún er að gera sig fína og svo þar sem hún dansar yfir Söngvaborg 4.

Svo er annars bara allt gott að frétta af okkur. Ekkert nýtt svosem, nema kannski að Lovísa er núna búin að finna sér tómstundargaman.
Hún hossar sér í tíma og ótíma á sófapúðanum sem hægt er að sjá á myndbandinu "Lovísa í stuði" þetta er frekar fyndið!

En það má líka alveg láta það fylgja öllum þessum skemmtilegu sögum af lillunni að hún er svakalega skapmikil. Já, hún er ótrúleg stundum. Ef hún fær ekki það sem hún vill þá er bara öskrað og skríkt, hún er líka dugleg að "gráta" þegar það hentar henni. Ég skal reyna að ná þessu á mynd.
Hehe, já svona er þetta bara... Skil ekki hvaðan hún fær þetta ;-)

Jæja vildi bara láta ykkur vita af nýju myndunum og láta vita af okkur.

Bestu Kveðjur:
Ebbi

Kúkur og Pissss..

2007-10-05T07:50:00.000+02:00

Ef þú ert viðkvæm/ur fyrir úrgangsefnum þá er betra að þú sleppir því að lesa fyrstu 13. línurnar!
En ég verð að segja ykkur söguna af því þegar Anna og Biggi voru hér í heimsókn hjá okkur.
Anna ætlaði að vera góð amma og leyfa Lovísu aðeins að trítla um bleyjulausri en tók ekki eftir því að Lovísa hafði stórar framkvæmdir í huga. Á meðan amma hrósaði því hversu dugleg Lovísa væri að sitja ein inní stofu (á náttúru parketinu, sem er voða viðkvæmt) að púsla, var Lovísa að kúka. En þessi elska lét það ekki gott heita, nei hún tók uppá því að hreyfa sig voða mikið í skítnum og klína honum út um allt gólf með sætu rasskinnunum sínum!!! Ég lýg því ekki þegar ég segi að ég þurfti að nota hníf til að skafa skítinn upp úr rifunum.

En sagan endar ekki hér....nei þér finnst þetta kanski nóg en svo er ekki.

Lovísa er búin að vera að taka tvo endajaxla í efrigóm og er búið að fylgja því smá hiti, kvef, svefnlausar nætur og já DRULLA. Greyið litla var svo brennd á rassinum þegar ég kom heim í gær að ég ákvað að setja bara á hana krem og leyfa henni að vera á bossanum í buxunum. Hún pissaði í buxurnar er hún stóð á teppinu á ganginum og taldi ég mig heppna að ekkert hafi farið á teppið. Ég kippti henni úr buxunum og stökk svo sjálf á klósettið. Um leið og ég sest segi ég við Ebba " Ebbi er hún nokkuð að kúka á teppið" nei segir hann og hlær. Svo stend ég upp, sturta niður og fer fram. hvað haldið þið!?! Krakkinn var búin að skíta á gólfið og setjast í það og drullan um allt á teppinu!!!! AAARRGGG. ÉG Þakka bara Guði fyrir Vanish Oxi action.
Ég vona að við séum búin að læra af reynslunni því ég er búin að fá nóg af skít...allavega í bili:)

En lífið gengur annars bara vel. Er búin að eiga frekar sérstaka viku í skólanum því við fengum utanaðkomandi kennara sem er búin að vera að kenna okkur tjáningu, já eða dans. Danstjáningu.
Hann er búin að vera að kenna okkur að upplifa hvort annað og tjá okkur með líkamanum. Gæti talað endalaust um það en langar að stökkva beint yfir í endinn.
Í gær var svo seinasti dagurinn og ákvað hann því að taka kennsluna út. Já blessunin lét okkur fara út á meðal almennigs og gera æfingarnar þar. Flestir tóku því vel, brostu til okkar og aðrir flissuðu. Sumir fóru alveg í kleinu fyrir okkar hönd en mjög margir ákváðu að stoppa og horfa á þessa ókeypis skemmtun;)
Þetta var bara mjög gaman og mér til mikilar undrunar þá leið mér aldrei illa, fannst ég aldrei vera artífartí gella á túni í Köben að gera mig að fífli. Ég held það segi mér að ég er á réttum satð.

Hafið það sem allra best og elsku bestu elskur verið nú duglegri að kommenta!! Það þarf ekki að vera neitt viturlegt! Okkur hlínar svo um hjartarætur þegar við sjáum að þið eruð að fylgjast með okkur.

Með smá söknuði segi ég bless en með enn meiri tilhlökkun segi ég, veriði hress og að lokum ekkert stress ;)

k.v. Gunnella

Út að leika!

2007-10-02T20:50:00.000+02:00

Við feðginin vorum orðin leið á því að gera ekki neitt nema að borða og horfa á Söngvaborg þannig að í dag ákváðum við að breyta til!

Við gerðum okkur ferðbúin og svo rétt fyrir kl 3 hoppuðum við kát út um dyrnar í átt að nörrebro park. Þetta er smá labb og þar sem ekkert var að gerast á leiðinni ákvað Lovísa að taka sér lúr. Allt í lagi með það. Hún var svo vöknuð 40 min. síðar og til í slaginn.
Pabbi klæddi lilluna sína í pollabuxur og þá vorum við klár. Lovísa skríkti gjörsamlega af ánægju, greip í vagninn sinn og æddi í átt að rólunum þar sem krakkarnir voru. Hún fékk að prófa aðeins og líkaði mjög vel. Svo var þarna líka ungur piltur sem hún náði að blikka, gaman af því.
Því næst var farið í sandkassan og þar var stór og flott rennibraut sem við urðum nátturlega að prófa.
Þessi garður er mjög skemmtilegur; rennibrautin er skipsbrak, klifurgrindin er gamaldags flugvél, og svo er fleira í þessu þema. Krökkunum líkaði auðsjáanlega vel!

Eftir að Lovísa var búin að róla og renna sér og leika sér með krökkunum kom mamma úr skólanum.
Mamma náði að sjá seinni salibununa niður sjóræningjaskipið og svo fórum við að leika okkur saman og taka nokkrar myndir.

Þessar myndir eru núna komnar inn og einnig eitt myndband (þar sem Lovísa Margrét fer á kostum í rólunni!)

Læt eina fylgja hér með af okkur fjölskyldunni:
Bestu kveðjur
Ebbi, Gunnella og Lovísa Margrét.

Chuck Norris!!!

2007-10-02T10:51:00.001+02:00

Verð bara að deila þessu með ykkur.

kv Ed Norris

Nú er Lovísa orðin stór!

2007-10-01T21:37:00.001+02:00

Já hún Lovísa Margrét er alveg að springa út núna, hún tekur uppá einhverju nýju á hverjum degi. Hún er farin að labba helling (skríður nánast ekkert) og ef hún vill komast eitthvert þá tekur hún bara í höndina á manni og vill að maður komi með sér.

Í dag fórum við feðginin í Fisketorvet (sem er verslunarmiðstöð hérna) og þegar hún var búin að vera heillengi í vagninum tók ég hana upp og leyfði henni að labba aðeins. Henni þótti það æðislegt og tók bara í vagninn sinn og keyrði hann, með smá hjálp þó ;).

Svo vill hún bara borða sjálf og við leyfum henni að halda á brauðinu og svolleiðis. Við ætlum að taka fram matarstellið sem er ætlað til þess að börn borði sjálf núna bráðum.Það verður áhugavert.
Það er líka mjög fyndið að sjá hana setja glasið sitt (alltaf) í gluggasylluna við hliðina á matarborðinu, þetta er eitthvað sem hún tók uppá alveg sjálf :D

Hún er líka farin að tala heilmikið; segir pabbi, mamma, dudda, bumba, voffi (og voffinn segir: Voff), dótið. Hún þakkar fyrir sig þegar maður réttir henni e-ð og þegar við klæðum hana í eða setjum e-ð fínt í hárið þá segir hún Vá, líka ef henni finnst e-ð vera flott (eins og t.d skartgripaskrín Gunnellu) já hún tjáir sig bara frekar mikið með tali.

Í eins árs afmælisgjöf fékk hún dvd-diskinn Söngvaborg frá Rakeli, Söndru, Baldri og Jón Þór litla frænda. Núna horfir hún á þetta daglega og dansar með, hún er alveg dolfallin. Svo þegar við syngjum fyrir hana klukkulagið (af disknum) þá baðar hún út höndunum, dansar, klappar og syngur með: tikk og takk. Það er alveg yndislegt að sjá hana.

Já það er margt að gerast hjá Lovísu okkar og við erum dugleg að taka myndir af henni auðvitað. Núna var ég að setja myndir af þessu öllu inná vefalbúmið Lovísa í DK (þið "skrollið" bara aðeins niður til að sjá nýjustu myndirnar). Svo er ég líka kominn með video-síðu hjá youtube, þannig að það ætti að gera ykkur auðveldara að fylgjast með. Gaman af því!

Þangað til næst.
Kv. Ebenezer

"Ég skrifa þér með blýant, því blek er ekki til..."

2007-09-29T11:23:00.000+02:00

Mikið var nú gaman að fá póstinn okkar í morgunn.

Við fengum CPR-kortin okkar (kennitölukort), sem eru nauðsynleg til að gera nánast hvað sem er hérna í köben.

Svo var annað bréf sem á var handskrifað heimilisfangið (langt síðan maður hefur séð það). Auðvitað var tilhlökkunin mikil og þegar ég opnaði bréfið hló ég upphátt!
Gummi Jóh, frömuður í gamanmálum og hrekkjum, hafði tekið sig til og handskrifað bréf. Ég læt það fylgja sögunni að hann er með þeim tölvuvæddustu og því var þetta sniðugt mjög.

Takk fyrir þetta Gummi minn og já, það er sko alveg rétt sem hún mamma segir: Það er alltaf gaman að fá bréf!

Bless í bili
Ebbi